QR Premer-Mınıstriniń orynbasary Eraly Toǵjanovtyń tóraǵalyǵymen Memleket basshysynyń tapsyrmasy boıynsha qurylǵan Jer reformasy jónindegi komıssııanyń ekinshi otyrysy ótti. Sanıtarlyq talaptarǵa sáıkes is-sharaǵa tek komıssııa músheleri qatysty.
Komıssııa quramynda QR Parlament depýtattary, oblystardyń ákimderiniń agroónerkásip kesheni máselelerine jetekshilik etetin orynbasarlary, Ulttyq qoǵamdyq senim keńesiniń músheleri, fermerler, salalyq birlestikter men fermerler odaǵynyń, «Atameken» UKP-nyń ókilderi, qoǵam qaıratkerleri, saıasattanýshylar, jýrnalıster men blogerler bar. Olardyń kópshiligi beınekonferenııa baılanysy arqyly qatysty. Sondaı-aq, qazaqstandyqtar Aýyl sharýashylyǵy mınstrliginiń resmı saıty men YouTube kanalyndaǵy onlaın-translıaııaǵa qosylyp, komıssııanyń jumysyn baqylaýǵa múmkindik aldy. Azamattarǵa yńǵaıly bolý úshin respýblıkalyq «Habar24» telearnasynan tikeleı efır uıymdastyryldy. Otyrysty ashqan Eraly Toǵjanov komıssııanyń maqsatyn aıta kelip, aǵymdaǵy jyldyń 25 aqpan kúni Prezıdent Qasym-Jomart Toqaev Qazaqstannyń aýyl sharýashylyǵy jerlerin sheteldikterge berýge tolyq tyıym salý týraly túpkilikti saıası sheshim qabyldaǵanyn eske saldy. Sondaı-aq, ol qazirgi tańda komıssııa aldynda aýyl sharýashylyǵy salasyndaǵy jer qatynastaryn damytý máseleleri boıynsha usynymdar ázirleý mindeti turǵanyn jetkizdi.
«Zań jobasynyń birinshi oqylymy Májiliste 7 sáýir kúni ótedi. Buny aıtyp otyrǵan sebebim, ózderińizge belgili, kópshilik arasynda, ásirese, áleýmettik jelilerdi áli de jekelegen túsinispeýshilikter kezdesýde. Jalǵan qaýesetti ádeıi taratýshylar da joq emes ekenin aıtýymyz kerek. Sondyqtan, taǵy bir naqtylap aıtamyn: jerdiń sheteldikterge berilmeıtini jóninde naqty sheshim qabyldandy. Memleket basshysy Qasym-Jomart Kemeluly qoǵam tarapynan kóterilip otyrǵan negizgi máseleler boıynsha túıindi sheshimin aıtty, núktesin qoıdy», — dedi Jer reformasy jónindegi komıssııanyń tóraǵasy. Odan keıin komıssııa músheleri birinshi otyrystyń qorytyndysy boıynsha ázirlengen usynystardy qaraýǵa kóshti. 25 naýryzdaǵy birinshi otyrysta aıtylǵan usynystarǵa sáıkes, komıssııa jumysynyń tıimdiligin arttyrý maqsatynda eki jumys toby quryldy. Ekonomıkalyq máseleler jónindegi jumys tobynyń jetekshisi Parlament Senatynyń depýtaty Aqylbek Kúrishbaev boldy. Oǵan komıssııanyń 33 múshesi kirdi. Quqyqtyq máseleler jónindegi topty Májilis depýtaty Erlan Barlybaev basqardy. Oǵan 21 adam qosyldy. Moderator budan bólek 25 naýryzdaǵy otyrys qorytyndysy boıynsha barlyǵy 55 usynys, onyń ishinde 11 uıymdastyrýshylyq, sondaı-aq 29 ekonomıkalyq jáne 15 quqyqtyq sıpattaǵy usynys kelip túskenin habarlady. Olardyń barlyǵy komıssııa músheleriniń, ýákiletti organdardyń jáne fermerlik qoǵamdastyq ókilderiniń qatysýymen jumys toptarynda talqylanýda. Usynystardy qaraý nátıjeleri týraly jumys toptarynyń jetekshileri A. Kúrishbaev pen E. Barlybaev habarlady. Olardyń aıtýynsha, kópshilik daýyspen sheteldikterge jáne sheteldik kompanııalarǵa, sheteldik qatysý úlesi bar kompanııalarǵa, azamattyǵy joq adamdarǵa, halyqaralyq qatysýy bar ǵylymı ortalyqtarǵa, sondaı-aq qandastarǵa aýyl sharýashylyǵy jerlerin berýge tyıym salý jónindegi zań jobasy qabyldanǵannan keıin qazaqstandyqtarǵa jalǵa beriletin aýyl sharýashylyǵy maqsatyndaǵy jer ýchaskeleriniń shekti eń joǵary mólsherlerin bekitý týraly Úkimet qaýlysyn qabyldaý týraly usynys qoldaý tapty. Ekinshi jumys toby jerdi paıdalaný men qorǵaýdy memlekettik baqylaý fýnkııalaryn QR Aýyl sharýashylyǵy mınıstrliginiń Jer resýrstaryn basqarý komıtetiniń qaramaǵyna qaıtarýdy qup kórdi. 2014 jyldan bastap jerdiń paıdalanylýy men qorǵalýyn memlekettik baqylaý fýnkııalary jergilikti atqarýshy organdarǵa júkteldi, al 2018 jyly aýdan ákimderine baqylaý fýnkııalary berildi. Sonymen qatar, barlyq salalarda baqylaý-qadaǵalaý fýnkııalaryn júzege asyrý tájirıbesi baqylaý organdarynyń (ortalyq-oblys-aýdan) barynsha tıimdiligin kórsetedi. «Salystyrmaly taldaý kórsetkendeı, 2013 jyldan beri jerdi paıdalaný jáne qorǵaý máseleleri boıynsha ákimdikter júrgizgen tekserýler sany 2,6 esege, al anyqtalǵan zań buzýshylyqtardy joıý 4,5 esege artqan», — dedi máseleniń ózektiligin túsindirgen Erlan Barlybaev. Onyń aıtýynsha, jerdi paıdalaný men qorǵaýdy baqylaý fýnkııalaryn ortalyq ýákiletti organǵa berý máselesin Parlament depýtattary, Bas prokýratýra, Joǵarǵy sot, «Atameken» UKP jáne taǵy basqalar kóterip otyr. Sonymen qatar, quqyqtyq máseleler jónindegi jumys tobynyń músheleri Baqytjan Bazarbek kótergen jerdiń nysanaly maqsatyn baǵbandyqtan basqa maqsattarǵa ózgertýge zańnamalyq turǵyda tyıym salý týraly bastamasyn qoldady. Jer reformalary jónindegi komıssııa músheleri aıtylǵan usynystar boıynsha daýys berdi. Budan bólek, Qoldau platformasyn Qarjy mınıstrliginnen alyp, QR Aýyl sharýashylyǵy mınıstrliginiń qaramaǵyna berý jáne ony «Aýyl sharýashylyǵy janýarlaryn cáıkestendirý» aqparattyq júıesimen ıntegraııalaý máseleleri qaraldy. Otyrys sońynda jıynǵa qatysýshylar qoǵam ókilderi arasynan tóraǵa orynbasaryn saılaýdy usyndy. Ashyq daýys berý nátıjesinde «Qazaqstan fermerler odaǵy» RQB-niń prezıdenti Jıgýlı Daırabaev komıssııa tóraǵasynyń orynbasary bolyp saılandy.
"Adyrna" ulttyq portaly
©prime.ministr.kz
