Koreıanyń ǵylymı-zertteý ınstıtýty Qazaqstannan lıtııdiń iri ken ornyn taýyp, ony ıgerýdi josparlap otyr, dep habarlaıdy "Adyrna" tilshisi Korea Times-qa siltep.
Lıtııdiń ken orny ótken jyly Shyǵys Qazaqstannan tabylǵan.
Instıtýt ókilderi ken ornyn tapqany jáne jospary týraly 5 naýryzda Seýldegi negizgi mıneraldar jónindegi halyqaralyq forýmynda habarlady.
Lıtıı tabylǵan aýmaqta buryn tantal óndirilgen. Ǵalymdar tantaldyń lıtıı men ezıımen birge júretinin aıtady. Koreıalyq ınstıtýt mamandary bul aýdandy 2023 jyldyń mamyr aıynan bastap Qazaqstan Úkimetiniń suranysy boıynsha zerttegeni belgili boldy.
Geologtardyń aıtýynsha, ken ornyndaǵy lıtıı qory 15,7 mıllıard dollarǵa baǵalanyp otyr.
Koreıanyń ǵylymı zertteý ınstıtýty Qazaqstan aýmaǵynda kelesi jyly koreıalyq kompanııamen birge lıtıı óndirýdi bastaý úshin barlanǵan aýdanda burǵylaý quqyǵyna ótinish berýdi josparlap otyr.
Lıtıı - elektromobılder ındýstrııasy úshin mańyzdy mıneraldardyń biri bolyp tabylady,
Eske sala keteıik, 2022 jyldyń qazan aıynda Qazaqstan Prezıdenti Qasym-Jomart Toqaev respýblıkanyń jer qoınaýyndaǵy lıtıı qory 50-den 100 myń tonnaǵa deıin ekenin málimdedi. Ol geologııalyq qyzmetke lıtıı ken oryndaryn barlaý jáne ıgerý jumystaryn jandandyrýdy tapsyrǵan edi.
