Qazaqstanda üşınşı atom elektr stansiiasyn (AES) salu boiynşa qytailyq China National Nuclear Corporation (CNNC) kompaniiasyn qosa alǧanda, joǧary, orta jäne şaǧyn quatty reaktor öndıruşılerımen kelıssözder jürgızılude, dep habarlaidy "Adyrna" ūlttyq portaly.
Būl turaly Atom energiiasy jönındegı agenttıgı mälımdegen.
Vedomstvonyŋ habarlauynşa, qazırgı taŋda äleuettı vendorlarmen aldyn ala keŋester jürgızılıp, qūrylys mümkındıkterı baǧalanuda.
"Üşınşı AES-tı salu boiynşa CNNC sekıldı ırı kompaniialarmen kelıssözder jalǧasyp jatyr. Äzırge naqty şeşım qabyldanǧan joq. Barlyq qadamdar energetikalyq teŋgerım men infraqūrylymdyq mümkındıkterge bailanysty zaŋnama aiasynda jüzege asyrylady", — delıngen resmi habarlamada.
Būǧan deiın Premer-ministrdıŋ bırınşı orynbasary Roman Skliar Qazaqstandaǧy jaŋa AES qūrylysyna Qytai tarapy qatysuy mümkın ekenın mälımdegen edı.
Aita keteiık, qazırgı taŋda Qazaqstanda bırınşı AES-tı salu üşın Almaty oblysyndaǧy Jambyl audany taŋdalǧan. Ekınşı stansiia boiynşa da qytailyq CNNC kompaniiasy qatysuy yqtimal ekenı 17 mausymda belgılı boldy. Būl baǧytta da memlekettık organdar men CNNC arasynda kelıssözder jürıp jatyr.
