O dúnıeniń baryn anyqtasańyz $1 mln beredi

1948

Adam bolmysy men sana-sezimin zertteýmen aınalysatyn qordyń negizin qalaǵan amerıkalyq kásipker Robert Bıgeloý ólimnen keıingi ómirdiń bar-joǵyn anyqtaı alǵan jandarǵa $1 mln aqshalaı syıaqy beretinin málimdedi, dep habarlaıdy «Adyrna» ulttyq portaly Azattyq Rýhy tilshisine silteme jasap.

«Bıznesmen jarııalaǵan konkýrsqa tek psıhologııa men nevrologııa salasynda jumys istep, ǵylymı dárejege qol jetkizgen adamdar ǵana qatysa alady. Olar kem degende 25 myń belgiden turatyn mátinde adam óliminen keıin onyń bolmysynyń qandaı kúıge ushyraıtyny týraly dálel-dáıekter keltirýi tıis. Úmitkerler óz jumysyn 2021 jyldyń 1 tamyzyna deıin jiberýi kerek», - dep jazady News.ru basylymy.

Dárigerler men ǵalymdardan turatyn ádilqazylar alqasy kelip túsken jumystarǵa baǵa berip, jeńimpazdyń aty-jónin 1 qarasha kúni jarııa etpek. Birinshi oryn alǵan avtorǵa $500 myń kóleminde, ekinshi oryn ıegerine $300 myń, úshinshi orynǵa $150 myń aqshalaı syıaqy tabys etilmek. Bul aqparat adam sanasyn zertteý jónindegi Bıgeloý qorynyń saıtynda jarııalandy.

Atalmysh qordy 2020 jyly qurǵan kásipker oǵan deıin ǵylym túsindire almaǵan aıryqsha qubylystardy zertteý jumystaryn qarjylandyryp kelgen.

Pikirler
Uqsas jańalyqtar