Bügın mäjılıs deputattary AQŞ-tyŋ Almaty qalasyndaǧy konsuldyǧynyŋ ǧimaratyn salu üşın 70 myŋ şarşy metrden astam jer uchaskesın jalǧa beru turaly zaŋ jobasyn talqylady, dep habarlaidy "Adyrna" ūlttyq portaly.
Deputat Aigül Qūspan "Qazaqstan Respublikasy Ükımetı men Amerika Qūrama Ştattary Ükımetı arasyndaǧy AQŞ-tyŋ Almaty qalasyndaǧy konsuldyq mekemesınıŋ ǧimaratyn saluǧa arnalǧan jer uchaskesın jalǧa beru turaly kelısımdı ratifikasiialau turaly" zaŋ jobasyn ūsyndy.
Deputattyŋ aituynşa, būl kelısımge 2024 jyldyŋ 27 qyrküiegınde Niu-Iorkte qol qoiylǧan.
"Kelısımnıŋ maqsaty – AQŞ ükımetıne Almaty qalasynda konsuldyq mekemenıŋ ǧimaratyn salu jäne paidalanu üşın 70 myŋ şarşy metrden astam jer uchaskesın 49 jylǧa jalǧa beru. Kelısım normalarynda jer uchaskesın beru tärtıbı men şarttary anyqtalǧan. Komitet zaŋ jobasyn jūmysqa aluǧa jäne oǧan qorytyndy daiyndauǧa daiyn", – dedı deputat.
2019 jyly AQŞ-tyŋ sol kezdegı elşısı Uiliam Mozer Almatyda jaŋa bas konsuldyq ǧimaratyn salu jospary turaly habarlaǧan bolatyn. Qazırgı uaqytta bas konsuldyqtyŋ ekı keŋsesı bar, alaida olar qauıpsızdık talaptaryna säikes kelmeidı.
Ūqsas jaŋalyqtar
