Búgin májilis depýtattary AQSh-tyń Almaty qalasyndaǵy konsýldyǵynyń ǵımaratyn salý úshin 70 myń sharshy metrden astam jer ýchaskesin jalǵa berý týraly zań jobasyn talqylady, dep habarlaıdy "Adyrna" ulttyq portaly.
Depýtat Aıgúl Quspan "Qazaqstan Respýblıkasy Úkimeti men Amerıka Qurama Shtattary Úkimeti arasyndaǵy AQSh-tyń Almaty qalasyndaǵy konsýldyq mekemesiniń ǵımaratyn salýǵa arnalǵan jer ýchaskesin jalǵa berý týraly kelisimdi ratıfıkaııalaý týraly" zań jobasyn usyndy.
Depýtattyń aıtýynsha, bul kelisimge 2024 jyldyń 27 qyrkúıeginde Nıý-Iorkte qol qoıylǵan.
"Kelisimniń maqsaty – AQSh úkimetine Almaty qalasynda konsýldyq mekemeniń ǵımaratyn salý jáne paıdalaný úshin 70 myń sharshy metrden astam jer ýchaskesin 49 jylǵa jalǵa berý. Kelisim normalarynda jer ýchaskesin berý tártibi men sharttary anyqtalǵan. Komıtet zań jobasyn jumysqa alýǵa jáne oǵan qorytyndy daıyndaýǵa daıyn", – dedi depýtat.
2019 jyly AQSh-tyń sol kezdegi elshisi Ýılıam Mozer Almatyda jańa bas konsýldyq ǵımaratyn salý jospary týraly habarlaǵan bolatyn. Qazirgi ýaqytta bas konsýldyqtyń eki keńsesi bar, alaıda olar qaýipsizdik talaptaryna sáıkes kelmeıdi.
