Shet eldik ǵylymı basylymdarǵa zertteý maqalańyzdy jarııalaý úshin basylym talaptaryna qaraı ǵylymı stılderdiń birin tańdaý qajet bolady. Ótken joly biz ARA týraly sholý jasadyq. Endi AMA týraly pikirimizdi ortaǵa salamyz.
AMA (American Medical Association) stıli de qalyptasqan ǵylymı stılderdiń biri.
Atalǵan stıl akademııalyq ortada avtorlarǵa óz zertteýine baılanysty belgili bir teorııanyń dáleldenýi nemese belgili bir ónertapqyshtyq, jańa ǵylymı ashylýǵa baılanysty qoldanylatyn, ıaǵnı, ol teorııanyń nemese jańalyqtyń ashylýyna qandaı zertteý yqpal etkenin kórsetýge múmkindik beretin júıe.
AMA ǵylymı siltemelik stılin amerıkalyq medıınalyq qaýymdastyq arnaıy sheshimmen alǵashqyda tek óz basylymdarynda qoldaný maqsatynda qalyptastyrǵan. Búgingi kúni bul stıl tek medıınalyq basylymdarǵda ǵana emes, kez kelgen ónertapqyshtyq, ǵylymı jańalyqtarǵa baılanysty túrli salalyq zertteýlerde keńinen qoldanylady.
Sol sebepti de birqatar ózgeristerge ıe. Bul stılde dáıeksózder de, siltemelerge de silteme jasaý eki bólek júzege asyrylǵanmen, dáıeksóz mátin mazmunynda keltiriledi. Al silteme mindetti turde zertteý jumysynyń sońyndaǵy anyqtama tiziminde kórsetilýi tıis. AMA stılinde formattaýdyń birneshe joly bar. Eń tıimdisi, daıyndalǵan ǵylymı maqalańyzdy arnaıy veb-saıtta óńdep shyǵý. Qazaq tilinen aýdarylǵan kez kelgen ǵylymı maqala úshin bul jerde bir muqııat qaraıtyn jaǵdaı: sóılemdegi (ásirese gýmanıtarlyq salalarda) keıbir aýdarylǵan uǵymdar men termınderdi «túsinbeı» qalýy múmkin. Mundaı qolaısyzdyq týyndamaý úshin sol árbir uǵymnyń maǵynasyn qysqa, ári naqty túsindiretin silteme berip, aldyn-ala anyqtamalyq bıýro paraqshasyna tirkep qoıǵanyńyz jón bolady.
