Milliarder İlon Mask negızın qalaǧan Neuralink kompaniiasy mi chipın ornatuǧa jaŋa qatysuşy ızdeidı. Būl turaly kompaniianyŋ baspasöz qyzmetı X äleumettık jelısınde habarlama jasady, dep habarlaidy “Adyrna” ūlttyq portaly.
Aqpaoat boiynşa, eksperimentke qatysuǧa qoly men aiaǧy sal bolyp, qalypty qozǧalys qyzmetın joǧaltqan adam şaqyrylady. Käsıpkerdıŋ özı de eksperimentke ekınşı erıktı ızdeitının habarlady.
"Bızdıŋ "Telepatiia" kibernetikalyq mi implantymyz telefon men kompiuterdı oilaryŋyzdyŋ küşımen basqaruǧa mümkındık beredı", – dep jazdy käsıpker X äleumettık jelısınde.
Aita ketsek, Neuralink 2016 jyldan berı jūmys ısteidı jäne 2019 jyly Bluetooth arqyly mi signaldaryn jıberuge qabılettı qūrylǧysyn tanystyrdy. 2021 jyly ǧalymdar chiptı januarǧa ornatyp köru synaǧyn sättı aiaqtady.
2023 jyldyŋ qyrküiegınde kompaniia implantty synau üşın eksperimentke qatysuşylar tarta bastady. Neuralink chiptıŋ qauıpsızdıgın jäne qūrylǧyny ornatu üşın qoldanylatyn hirurgiialyq robot jūmysyn synap körgısı keldı. İmplant 29 jastaǧy sal auruyna şaldyqqan Noland Arboǧa qondyryldy. Jas jıgıt chiptıŋ kömegımen äkesımen oiyn oinap, H jelısınde jeke blogyn aşty.
İlon Mask ideiasyna ūqsas ūsynys. Ministr Jūmanǧarin biudjettı oŋtailandyruǧa qatysty pıkır bıldırdı
