Qazaqstannyŋ ǧalymdary küigen jäne trofikalyq jaralardy emdeitın biologiialyq materialdy oilap tapty. Ony ırı qara maldyŋ kökşandyrynan jasap, Almaty jäne Qaraǧandy qalalarynyŋ medisinalyq mekemelerınde synaqtan ötkızdı, dep habarlaidy “Adyrna” ūlttyq portaly "Habar 24" arnasyna sılteme jasap.
Biologiialyq materialdy jasauǧa jäne synaqtan ötkızuge on jyldan astam uaqyt ketken. Ol tabiǧi kollagen men elastin talşyqtarynan tūrady jäne qūramy jaǧynan adam terısıne jaqyn. Onyŋ kömegımen trofikalyq jaralardy, sondai-aq, I jäne II deŋgeidegı küiıkterdı emdeuge bolady.
"Būl ideia 2011 jyly paida boldy. 2012 jyly bızge bılım jäne ǧylym ministrlıgı tarapynan grant berıldı. Al ekı jyldan keiın jobamyzdy sättı ıske asyrdyq. Artynan klinikalyq zertteulerdı bastap kettık", - deidı professor Viacheslav Ogai.
Siyrdyŋ kökşandyryn biomaterialǧa ainaldyru üşın ony bırneşe ret öŋdeidı. Aldymen mehanikalyq öŋdeu jasalady. Sol kezde ülken qan tamyrlary men maidy alyp tastady. Odan keiın bırneşe bölıkke kesedı. Ölşemı – 10/10 sm. Öŋdeudıŋ ekınşı satysynda januar jasuşalary men DNK-ny alyp tastaidy. Osynyŋ bärın jasau üşın ekı aptadai uaqyt qajet.
"Bızde arnaiy reaktivter bar. Onymen jasuşalardy şyǧaramyz. Odan keiın DNK-syn alyp tastaimyz. Sosyn bırneşe ret tazalaimyz, juamyz jäen iadrolyq fizika institutyna aparamyz. Ol jerde beta-säulemen öŋdeidı", - dep atap körsettı ǧalym Äsel İsabekova.
Biomaterialdy küiık pen jarany emdeuge ǧana emes, plastikalyq hirurgiia men tıs implantologiiasyda qoldanuǧa bolady. Klinikalyq zertteuler Almaty men Qaraǧandynyŋ medisinalyq mekemelerınde öttı. Biomaterial I jäne II deŋgeidegı küiıkterı bar 120 pasientke salyndy.
Qazırgı kezde tırkeu şaralary bastaldy. Al ǧalymdar halyqaralyq ǧylymi jurnaldarǧa maqala daiyndauǧa kırıstı.
“Adyrna” ūlttyq portaly
Ūqsas jaŋalyqtar
