Qazaqstandyq ǵalymdar jarany jazatyn bıomaterıal oılap tapty

3421
Adyrna.kz Telegram
Foto: cdmed.ru
Foto: cdmed.ru
Qazaqstannyń ǵalymdary kúıgen jáne trofıkalyq jaralardy emdeıtin bıologııalyq materıaldy oılap tapty. Ony iri qara maldyń kókshandyrynan jasap, Almaty jáne Qaraǵandy qalalarynyń medıınalyq mekemelerinde synaqtan ótkizdi, dep habarlaıdy “Adyrna” ulttyq portaly  "Habar 24" arnasyna silteme jasap.
Bıologııalyq materıaldy jasaýǵa jáne synaqtan ótkizýge on jyldan astam ýaqyt ketken. Ol tabıǵı kollagen men elastın talshyqtarynan turady jáne quramy jaǵynan adam terisine jaqyn. Onyń kómegimen trofıkalyq jaralardy, sondaı-aq, I jáne II deńgeıdegi kúıikterdi emdeýge bolady.
"Bul ıdeıa 2011 jyly paıda boldy. 2012 jyly bizge bilim jáne ǵylym mınıstrligi tarapynan grant berildi. Al eki jyldan keıin jobamyzdy sátti iske asyrdyq. Artynan klınıkalyq zertteýlerdi bastap kettik", - deıdi professor Vıacheslav Ogaı.
Sıyrdyń kókshandyryn bıomaterıalǵa aınaldyrý úshin ony birneshe ret óńdeıdi. Aldymen mehanıkalyq óńdeý jasalady. Sol kezde úlken qan tamyrlary men maıdy alyp tastady. Odan keıin birneshe bólikke kesedi. Ólshemi – 10/10 sm. Óńdeýdiń ekinshi satysynda janýar jasýshalary men DNK-ny alyp tastaıdy. Osynyń bárin jasaý úshin eki aptadaı ýaqyt qajet.
"Bizde arnaıy reaktıvter bar. Onymen jasýshalardy shyǵaramyz. Odan keıin DNK-syn alyp tastaımyz. Sosyn birneshe ret tazalaımyz, jýamyz jáen ıadrolyq fızıka ınstıtýtyna aparamyz. Ol jerde beta-sáýlemen óńdeıdi", - dep atap kórsetti ǵalym Ásel Isabekova.
Bıomaterıaldy kúıik pen jarany emdeýge ǵana emes, plastıkalyq hırýrgııa men tis ımplantologııasyda qoldanýǵa bolady. Klınıkalyq zertteýler Almaty men Qaraǵandynyń medıınalyq mekemelerinde ótti. Bıomaterıal I jáne II deńgeıdegi kúıikteri bar 120 paıentke salyndy.
Qazirgi kezde tirkeý sharalary bastaldy. Al ǵalymdar halyqaralyq ǵylymı jýrnaldarǵa maqala daıyndaýǵa kiristi.
Adyrna” ulttyq portaly
Pikirler