«Quralaı hanym eldi adastyryp júr»

13031
Adyrna.kz Telegram

Dástúrli ánshi, Qazaqstannyń eńbek sińirgen qaıratkeri Aıgúl Elshibaeva Quralaı hanymmen taǵy shaıqasqa tústi. Ánshi Quralaı hanym jeli arqyly aqyly trenıngter ótkizip, eldi adastyryp júr degendi taǵy aıtty. Onyń sońynan ergender saýatsyz áıelder dep sanaıdy. Bul týraly 

">"Búgin" baǵdarlamasyna silteme jasap, stan.kz habarlady dep jazady "Adyrna" ulttyq portaly. 

Aıgúl Elshibaeva el arasynda aqyly trenıngteri, dáristeri men dýasy arqyly tanylǵan Quralaı hanymdy buǵan deıin de talaı synaǵan edi. Jelide belsendi, mıllıondaǵan oqyrmany bar Quralaı hanym onyń birine de jaýap qatqan joq. Tikeleı efırdiń birinde ol sózin "men eshkimmen daýlaspaımyn, oǵan ýaqytymdy sarp etpeımin, aqtalmaımyn" dep qysqa qaıyrdy.

Dástúrli ánshi Quralaı hanymnyń saýatsyzdyǵyn, eldi adastyryp, tipti adam ólimine deıin jetkizgenin aıtyp aıyptady.

"Men affırmaııa, vızýalızaııa, medıtaııa degenderdi túsinbeı júrdim. Adamdarǵa sózben emes, ispen áreket etý kerek ekenin túsindire almaı-aq qoıdym. 9 aı karantınde osy sózderdiń mánin túsindim. Quralaıdyń 40 kún duǵasy týraly uqtym. Ábjád týraly oqydym. Psıhologııany oqydym. Aqyrynda Quralaıdyń ıslamdy úıretem dep, basqa dindi, býdda dinin nasıhattap júrgenin túsindim. Pravdınanyń ilimin úıretip, mystandardyń dýasyn nasıhattaıdy. Sopylyq ilimindegiler ábden rýhanı kemeldenip, shegine jetkende jyndarmen kúresedi eken. Qyryq kún duǵa degenge keledi eken. Al psıhologııanyń ne ekenin bilmeı turyp, ózin psıhologpyn dep júrgen Quralaı "apam" dáretin ala almaı, bir súre jattaı almaı júrgenderge qyryq kún duǵa úıretip júr. Qunanbaıdy ósekke ergen deıdi bir áńgimesinde. Ádebıetti bilmegen adam ádebıet týraly sóz aıtady", - deıdi Elshibaeva.

Ánshiniń aıtýynsha, Quralaı hanymnyń dýasynan keıin kóz jumǵan jastar bolǵan. Muny ata-analardyń ózderi habarlady deıdi ózi.

"Quralaıdyń dýasynan keıin ólip ketken bir-eki adam bar. Maǵan ata-analarynyń ózderi aıtty. Aqtóbede jýrnalıst qyz kóz jumdy. Keıin zattaryn qarasa, Quralaı hanym aıtqan zattar tabylǵan. Adam ólip jatsa, men eshteńe demeı qarap otyra almaımyn. Árkim óz isimen aınalysý kerek", - deıdi dástúrli ánshi.

Foto ashyq derekkózden alyndy.

Pikirler