Osydan tura 122 jyl būryn, iaǧni 1899 jyly Qostanai oblysynyŋ B. Mailin audanynda akter, ūlttyq teatr önerınıŋ negızın qalauşylardyŋ bırı, KSRO jäne Qazaq KSR Memlekettık syilyqtarynyŋ laureaty, Qazaqstannyŋ halyq ärtısı Elubai Ömırzaqov düniege keldı. "Adyrna" ūlttyq portaly ataqty akterdıŋ ömırı jaily şaǧyn derekter ūsynady.
Bolaşaq akterdıŋ talantyn erte tanyp, önerge baulyǧan ärı ony oquǧa üiretken sol kezderı auyl ūstazy, jazuşy-dramaturg B. Mailin bolatyn. 1923-1925 jyldary Orynbor qalasyndaǧy Qazaqtyŋ halyq aǧartu institutynda oqyǧan. 1924 jyly Orynborda qoiylǧan M. Äuezovtıŋ «Eŋlık-Kebegı» men J.Erdanaevtyŋ «Malqambaiynda» ol Abyz ben Malqambai rölderınde oinady. 1925 jyly Qyzylorda qalasynda Qazaq memlekettık drama teatry qūrylǧanda A. Abdullin, Q. Badyrov, S. aiǧojin jäne S. Ospanovpen bırge E. Ömırzaqov ta alǧaşqy ūlt teatrynyŋ ırgetasyn qalap, onyŋ örken jaiuyna mol üles qosty. 1927 jyly Mäskeu qalasynda ötken etnografiialyq konsertke qatysty. 1931 jyly teatrdyŋ bes jyldyq merekesıne bailanysty E. Ömırzaqov respublikanyŋ tūŋǧyş halyq ärtısı ataǧyna ie boldy.
Ol qazırgı Qazaqtyŋ memlekettık akademiialyq opera jäne balet teatryn ūiymdastyruşylardyŋ bırı, osy teatr sahnasynda qoiylǧan M.Äuezov pen İ. Kasyktyŋ «Aiman-Şolpan» jäne B. Mailin men E. Brusilovskiidıŋ «Jalbyr» siiaqty muzykalyq spektaklderınde halyq ökılı, tapqyr Jaras pen küzetşı Qairaqpaidyŋ rölın oryndady. 1930-1940 jyldary drama teatrda oinaumen ǧana şektelmei, radio men filarmoniiaǧa estradalyq konsertter men kino önerınıŋ damuyna da qyzu atsalysty, tabiǧi talantynyŋ är qyrynan tanyldy.
Halyq önerınıŋ qainar közınen när alǧan akter äigılı halyq batyry Amangeldınıŋ, sondai-aq Jaras pen Därkembaidyŋ beinesın şeberlıkpen somdady. Ömırzaqov oinaǧan rölderınıŋ sany 150-den asady, akterlık şeberlıgınıŋ erekşelıgı sözınen görı sahnalyq qimyl-qozǧalysy men mimikasynda, ol ärbır keiıpkerınıŋ mınezın, tabiǧatyn ışkı sezım düniesıne laiyqtap, özınıŋ bükıl dene bıtımın qūbyltyp, qūlpyrtyp oinauǧa öte şeber sahna suretkerı boldy.
Ol halyq änderın («Şäpibaiau», «Kerbestı», «Naq-naq», «Qyzdar-au», «Zulatşy-ai», taǧy basqa) şeber oryndauşy retınde de belgılı. 1936 jäne 1956 jyldary Mäskeu qalasynda ötken qazaq ädebietı men önerınıŋ onkündıgıne qatysty. 1976 jyly «Ūstazdarym – dostarym» atty eŋbegı jaryq kördı. Almaty qalasyndaǧy Qabanbai batyr köşesındegı № 89 üige memorialdyq taqta ornatylyp, akter esımımen köşe jäne Qostanai oblystyq filarmoniiasy ataldy. Bırneşe orden, medaldarmen marapattalǧan.
Qazaq önerınıŋ tarlany 1974 jyly 2 säuırde Almaty qalasynda qaitys boldy.
https://youtu.be/nT6FhJptwDM
Ūqsas jaŋalyqtar
