- Men eshqashan aqshaǵa qumar bolǵan emespin, bul meniń akter bolǵanymnan emes, tek men eshqashan ataq qýǵan emespin.
Kıaný Rıvz
Kanadalyq akter Kıaný Rıvzdiń qatysýymen túsken árbir kıno sizder úshin qanshalyqty qyzyqty ekenin bilemiz. Sondyqtan biz osy maqalada onyń kınodan tys ómirinen 10 fakt aıtýdy jón kórdik.
Kıaný Rıvz metroda
Kıaný Rıvz - kanadalyq akter, rejısser jáne mýzykant. Onyń eń tanymal fılmi - «Matrıa». Biraq onyń barlyq rólderi erekshe jáne birden kózge túsedi. Basty róldi somdaýda Kıaný Gollıvýdtyń basqa da kóptegen juldyzdarynan asyp ótken deıdi.
1. Akter esimi gavaı tilinde Kıaný dep qoıylǵan, sebebi onyń ákesi Gavaılyq bolǵan. Gavaı tilinen aýdarǵanda: Kıaný - «taýlardyń ústindegi salqyn jel» degen maǵyna beredi. Jańa romanǵa arnalǵan shedevr ataýy sııaqty kórinedi, biraq bul jaı ǵana qarapaıym akterdiń aty.
2. Kıaný Torontony óziniń týǵan jeri dep sanaıdy. Degenmen onyń otbasy Kanadaǵa deıin kóptegen qalalarda sapar shekken: Nıý-Iork, Sıdneı jáne t.b
3. Kıaný mektep attestatyn almaǵan. Másele mektebiniń jıi aýysýyna baılanysty bala sabaqtan óte artta qaldy. Sodan keıin bolashaq akter hokkeıge, shahmatqa áýes boldy jáne teatrdy jaqsy kórdi.
4. Kıaný Rıvz mektepten shyǵarylǵannan keıin jertólede súıiktisimen turýǵa kóshken ýaqyt boldy. Sodan keıin ol úsh jumysty qatar alyp júrdi: gazondar men gúlzarlardy qyrqý, konkı qaıraý jáne spagettı daıyndaý syndy jumystar istedi.
5. 2000 jyly Kıaný Djennıfer Sımmen úılenip, qyzdy bolamyz josparlaǵan, biraq aýyr jaǵdaı oryn alyp - balasy óli týyldy. Al 2001 jyly áıeli Djennıfer jol apatynan qaıtys boldy.
6. 2001 jyly Kıanýdyń ápkesine leıkemııa dıagnozy qoıyldy. Sodan keıin akter ápkesin qutqarý úshin kóp kúsh pen aqsha jumsaǵan. Aýrýdy jeńe aldy. Keıinnen bul náýbettiń qanshalyqty qıyn ekenin uǵynǵan Kıaný qaterli isikke shaldyqqan balalarǵa kómektesetin qor ashty.
7. Kıaný óziniń týǵan kúnderin óte qarapaıym ótkizedi: ol jaı ǵana shyǵyp, ózin tanyǵan adamdardyń quttyqtaýlaryn qabyl alady.
8. «Matrıanyń» barlyq bóliminde somdaǵan róli úshin Kıaný óte qomaqty mólsherde qarajat aldy. Tańqalarlyǵy, ol osy somanyń 80 mıllıonyn 114 jumysshyǵa berip, kaskaderlerge jańa Harley Davidson motoıklin syılady.
9. Kıaný Rıvz - dısleksııamen qınalady. Iaǵnı, oqý jáne jazý daǵdylaryn ıgerýde qıyndyqtar týyndaıdy.
10. Kıaný Rıvz - solaqaı jáne óte qarapaıym akter. Qarapaıymdylyǵy sonsha ol áli kúnge deıin metromen qatynaıdy.
"Adyrna" ulttyq portaly