Parıjde akter Jerar Depardege qatysty seksýaldyq qysym kórsetti degen aıyppen sot proesi bastaldy. Kezdesý aldynda akterdiń advokaty barlyq aıyptardy joqqa shyǵardy, Bul týraly 24 naýryzda AFP jazdy, dep habarlaıdy “Adyrna” ulttyq portaly.
"Barlyq aıyptaýlar jalǵan. Shyndyq bizdiń tarapymyzda", - depdi advokat Jeremı Assý.
Ol aıyptaýlardy "obektıvti, beıtarap jáne dáleldengen túrde" joqqa shyǵaratyndaryn aıtty.
Sondaı-aq, Assý akter júregine operaııa jasaǵanyn jáne qant dıabetimen aýyratynyg aıtty. Sottyń taǵaıyndaǵan medıınalyq sarapshysy Depardeniń sotqa qatysa alatynyn anyqtady, biraq tyńdaýlardyń árqaısysy 6 saǵattan aspaýyn jáne ár 15 mınýt saıyn úzilis jasaýyg usyndy.
76 jastaǵy Depardeni sot zalyna qyzy Roksana, onyń anasy jáne akterdiń burynǵy súıiktisi Karın Sılla, sondaı-aq aktrısa Fannı Ardan qoldaýǵa keldi. Sońǵysy qorǵaý jaǵynan kýáger retinde sóıledi.
Sot isi 2021 jylǵy fılmine qatysty bastalǵan. Fılmniń qoıýshy-rejısseri (qazir 54 jasta) jáne rejısserdiń kómekshisi (34 jasta) Deparde túsirilim alańynda ádepsiz pikirler aıtty jáne olarǵa orynsyz tıisti dep aıyptady. Atap aıtqanda, ol keýdege, bóksege jáne jynys múshelerine qol júgirtken. Olar 2024 jyldyń basynda akterge jynystyq zorlyq-zombylyq jáne seksıstik til qoldaný baptary boıynsha sotqa shaǵym túsirdi. Depardege 5 jylǵa deıin bas bostandyǵynan aıyrý jáne 75 myń eýroǵa deıin aıyppul salynýy múmkin.
Sot ǵımaraty aldynda 10-ǵa jýyq femınıst mıtıngke shyqty.
"Biz qurbandardy qoldaımyz", - dep jazylǵan olardyń plakatynda.
Aıyptaý tarapyn qoldaýǵa "Zelenye stavnı" fılminde túsken aktrısa Anýk Grınberg te keldi. Ol AFP agenttigine Depardeniń túsirilim kezinde únemi "ádepsiz sózder aıtqanyn" jáne fılmge ony shaqyrǵan prodıýserlerdiń onyń qandaı ekenin bilgenin aıtty.
200-den astam fılmde túsken Jerar Depardege jynystyq zorlyq-zombylyq boıynsha birneshe ret aıyptaýlar taǵyldy. 2023 jyldyń sáýirinde 13 áıel - aktrısalar, statıstter men grımerler akterdiń ádepsiz áreketteri týraly málimdegen edi. Alaıda bul akterge qarsy sotqa jetken alǵashqy is.
Sot keminde eki kúnge sozylýy múmkin. Al úkimi keıinirek jarııalanady.
