«Aq jol» demokratiialyq partiiasynyŋ XVI sailaualdy qūryltaiynda töraǧa Azat Peruaşev Qazaq Respublikasy atauyn qaitarudy ūsyndy dep habarlaidy «Adyrna» ūlttyq portaly partiianyŋ baspasöz qyzmetıne sılteme jasap.
Qūryltaidy söz alǧan partiianyŋ töraǧasy:«Biyl «Alaş» avtonomiiasynan bastau alatyn jäne qazırgı Qazaqstannyŋ negızın qalaǧan Qazaq respublikasyna 100 jyl toldy.
Aldymen qatelesıp «Qyrǧyz» avtonomiialyq respublikasy dep atalyp, 5 jyldan keiın Sūltanbek Qojanūly, Säken Seifullin, Jalau Myŋbaiūly jäne de basqa tūlǧalardyŋ arqasynda respublikamyzǧa ūltymyzdyŋ töl atauy qaitaryldy», dedı. Sonymen qatar Azat Peruaşev osy mäselege bailanysty partiia tarapynan jasalǧan ūsynystardy tızbelei kelıp: «Ötken jyly «Aq jol» demokratiialyq partiiasy ükımetke būl tarihi datany resmi atap ötudı jäne «Qazaqstan» atymen qatar, totalitarlyq keŋes bilıgınıŋ özı moiyndaǧan «Qazaq Respublikasy» atauyn qoldanu turaly mäselenı köterdı. Būl bastamany Ş.Uälihanov atyndaǧy tarih instituty da qoldady, bıraq bızdıŋ şeneunıkter ünsız qaldy.Sonda da bız tarihi bıregeilıgımızdı bıldıretın Qazaq Respublikasy memlekettık atauyn qaitarudy jön dep sanaimyz», dep mälımdedı.
Azamattyq qoǧam belsendısı Ersaiyn Balabek partiianyŋ būl ūsynysymen kelıspeidı. "Memlekettıŋ atauyn özgertu ülken şarua. Qazaqstan atauyn özgerter bolsaq, jūrt qūjattaryn özgertuı kerek. Bızdıŋ elde qūjatpen jügırudıŋ qandai ekenın bärı bıledı. "Qazaqstan" degen atauda tūrǧan ne bar? Onyŋ üstıne älem bızdı "Qazaqstan" dep tanidy."Stannan" qūtylamyz dep sau basymyzǧa saqina tılep almaiyq", -deidı ol.
«Aq Jol» partiiasynyŋ būl ūsynysyna qatysty tarihşy Dılmahambet Bektaly: «Öte qajet jäne oryndaluyn talap etetın ūsynys. «Stan» sözınıŋ maǧynasy turaly talai ret aityldy. Bızdıŋ jerımız qazaqtyŋ topyraǧy. Sondyqtan da «Aq jol» partiiasynyŋ būl «Qazaq respublikasy» atauyn qaitarudy sūraǧan ūsynysynyn qol qoldap qoldaimyn. Bız Qazaq respublikasynyŋ azamatymyz. Tarihtaǧy saiasi būrmalaudyŋ saldarynan ketken qatelıktı tüzeitın uaqyt jettı dep sanaimyn»,- deidı.
Osy mäselege qatysty öz pıkırın bıldırgen magistrant Ǧalymjan Baiymbet: «Keremet bolar edı. Mysaly, şetelge şyǧa qalsaq, Qazaqstannan keldım desek, köbısı eş tüsıne almaidy. Päkıstan, Auǧanstanmen şatystyratyny köp. Keide ärine, namystanyp ta ketesıŋ. Qazaq respublikasy, boldy, bıttı! Öte ädemı emes pe? Öz basym partiianyŋ būl bastamasyn qūp köremın. Osy bastamany tūtas qoǧam bolyp qoldauymyz kerek»,-deidı.
Qazaqstan atauymen qala bergen dūrys pa, älde Qazaq respublikasy dep özgertken jön be, sız qalai oilaisyz, qūrmettı oqyrman?
Meruert HUSAİNOVA,
«Adyrna» ūlttyq portaly.
Foto aşyq derekközden alyndy.Ūqsas jaŋalyqtar
