Katar astanasy Dohada ótip jatqan sý sporty túrlerinen álem chempıonatynda Qazaqstan sportshylary altyn medal jeńip aldy, dep habarlaıdy «Adyrna» tilshisi Ulttyq olımpıadalyq komıtettiń baspasóz qyzmetine silteme jasap.
Sınhrondy júzýden aralas juptyq synda óner kórsetken Edýard Kım men Nargıza Bolatova álem chempıony atandy. Olar 228.0050 upaı jınady.
Kúmis medaldi Qytaı quramasy, qolany Meksıka komandasy jeńip alǵan.
Aıta keteıik, Qazaqstan tarıhynda sý sporty túrlerinen álem chempıonatynyń altyn medali bolmaǵan. Buǵan deıin Edýard Kım jekeleı synda qola júlde jeńip alǵan edi.
