Almaty qalasy Qoǧamdyq Damu basqarmasynyŋ qoldauymen "Adyrna" ūlttyq-etnografiialyq bırlestıgı "Tarihtan taǧylym" jobasy boiynşa Alaş jäne aşarşylyq taqyrybyna bailanysty «Zūlmat jyldar qasıretı» atty onlain konferensiia ötkızdı. Onlain konferensiiada tarih ǧylymynyŋ doktory, professor Hangeldı Äbjanov aşarşylyq zardabymen qatar, zūlmat jyldardaǧy naqty derekterdı atap körsettı. Aşarşylyq kezınde 10-11 jasta bolǧan äkesınıŋ, 40-qa taiap qalǧan atasynyŋ aitqany älı de qūlaǧynda jaŋǧyryp tūrǧanyn aitty. Sonymen qatar zūlmat jyldar qasıretın körgen arystardyŋ ūrpaqtarynyŋ aitqan estelıkterın jinap, bır retke keltırudı de ūsyndy.
Tarih ǧylymynyŋ doktory, professor Talas Omarbekov Oraz Jandosovtyŋ Goloşekinge jazǧan haty jaiyndamaǧlūmat berdı. Goloşekin aiauşylyq bıldırer degen Oraz Jandosov hatqa halyqtyŋ qynadai qyrylyp jatqanyn, jas balalardyŋ aştyqtan ittıŋ ölımtıgın jep jürgendıgı turaly jazǧandyǧyn aitady.
Konferensiia barysynda Saiasi quǧyn-sürgın qūrbandary muzeiınıŋ meŋgeruşısı Meiırjan Mūsabaev pıkırımen bölısıp, jiynǧa bailanysty alǧysyn bıldırdı. Batys Qazaqstan oblysy, Oral qalasyndaǧy Jäŋgır han agrarlyq-tehnikalyq universitetınıŋ 2-kurs studentı Mūhammed-älı Quanyşkereitegı taqyryp töŋıregınde öz ūsynystaryn aityp, tarihşy ǧalymdarǧa sūraq qoidy.
Konferensiia soŋynda "Adyrna" ūlttyq-etnografiialyq bırlestıgınıŋ prezidentı Arman Äubäkır qatysqan barşa adamdarǧa alǧys aitty. 2 saǧatqa juyq uaqytqa sozylǧan konferensiianyŋ materialdary, qysqartylǧan nūsqalary Adyrna ūlttyq portalynyŋ You Tube kanalynda, Feisbuk paraqşasynda jariialanatyn bolady.
"Adyrna" ūlttyq portaly
Ūqsas jaŋalyqtar
