Almaty qalasy Qoǵamdyq Damý basqarmasynyń qoldaýymen "Adyrna" ulttyq-etnografııalyq birlestigi "Tarıhtan taǵylym" jobasy boıynsha Alash jáne asharshylyq taqyrybyna baılanysty «Zulmat jyldar qasireti» atty onlaın konferenııa ótkizdi. Onlaın konferenııada tarıh ǵylymynyń doktory, professor Hangeldi Ábjanov asharshylyq zardabymen qatar, zulmat jyldardaǵy naqty derekterdi atap kórsetti. Asharshylyq kezinde 10-11 jasta bolǵan ákesiniń, 40-qa taıap qalǵan atasynyń aıtqany áli de qulaǵynda jańǵyryp turǵanyn aıtty. Sonymen qatar zulmat jyldar qasiretin kórgen arystardyń urpaqtarynyń aıtqan estelikterin jınap, bir retke keltirýdi de usyndy.
Tarıh ǵylymynyń doktory, professor Talas Omarbekov Oraz Jandosovtyń Goloekınge jazǵan haty jaıyndamaǵlumat berdi. Goloekın aıaýshylyq bildirer degen Oraz Jandosov hatqa halyqtyń qynadaı qyrylyp jatqanyn, jas balalardyń ashtyqtan ıttiń ólimtigin jep júrgendigi týraly jazǵandyǵyn aıtady.
Konferenııa barysynda Saıası qýǵyn-súrgin qurbandary mýzeıiniń meńgerýshisi Meıirjan Musabaev pikirimen bólisip, jıynǵa baılanysty alǵysyn bildirdi. Batys Qazaqstan oblysy, Oral qalasyndaǵy Jáńgir han agrarlyq-tehnıkalyq ýnıversıtetiniń 2-kýrs stýdenti Muhammed-áli Qýanyshkereıtegi taqyryp tóńireginde óz usynystaryn aıtyp, tarıhshy ǵalymdarǵa suraq qoıdy.
Konferenııa sońynda "Adyrna" ulttyq-etnografııalyq birlestiginiń prezıdenti Arman Áýbákir qatysqan barsha adamdarǵa alǵys aıtty. 2 saǵatqa jýyq ýaqytqa sozylǵan konferenııanyń materıaldary, qysqartylǵan nusqalary Adyrna ulttyq portalynyń You Tube kanalynda, Feısbýk paraqshasynda jarııalanatyn bolady.
"Adyrna" ulttyq portaly
