Qazaqtyŋ aqiyq aqyny Mūqaǧali Maqataevtyŋ tuǧanyna 90 jyl toldy. Küllı ǧūmyryn qazaq öleŋıne arnaǧan aqdauyl aqynnyŋ osynau mereitoiyna arnap "Qazaqfilm" studiiasy da atsalysyp jatyr, dep habarlaidy "Adyrna" Ūlttyq portaly.
«Qazaqfilm» kinostudiiasynyŋ facebook.com paraqşasynda jazuynşa: "Mūqaǧali Maqataevtyŋ 90-jyldyq mereitoiy qarsaŋynda, ūltymyzdyŋ aqiyq aqynynyŋ atalǧaly otyrǧan besınşı mereitoiyn osy joly erekşe ötkızuge «Qazaqfilm» kinostudiiasy da aianbai at salysuda. Nazaryŋyzǧa ūsynylyp otyrǧan surette kinoteatrlar aşylǧan kezde alǧaşqy bolyp körermenge jol tartatyn, rejisser Bolat Qalymbetovtyŋ «Mūqaǧali» körkem filmınıŋ tüsırılım barysy.
Mūqaǧali degende eŋ aldymen oiǧa oralatyn onyŋ syrşyl da näzık lirikasy 50 jyl ötse de el esınen ūmytylǧan emes. Al sızdıŋ aqynmen alǧaşqy tanystyǧyŋyz qalai boldy, eŋ bırınşı oiyŋyzǧa oralatyn öleŋı qandai?", dep jazǧan.
Esterıŋızge sala ketsek, filmnıŋ tüsırılım jūmystary 2019 jyldyŋ mausym aiynda bastalǧan. Negızgı epizodtar Almaty oblysy men Almaty, Öskemen qalalarynda jäne Sankt-Peterburgte tüsırıldı. Kartina aqyn ömırınıŋ soŋǧy jyldaryndaǧy bastan keşken aluan taǧdyr jolyn beineleidı.
1931 jyly 9 aqpanda Almaty oblysyna qarasty qazırgı Raiymbek audanynyŋ Qarasaz auylynda ömır esıgın aşqan. 1976 jyldyŋ 27 nauryzynda Almaty qalasynda nauqastan qaitys bolǧan aqynnyŋ soŋynda ölmes jyrlary men audarmalary qaldy.
Ūqsas jaŋalyqtar
