Búgin - kórnekti aqyn, Qazaqstannyń halyq jazýshysy, memlekettik syılyqtyń laýreaty Muzafar Álimbaevtyń týǵan kúni, dep habarlaıdy "Adyrna" tilshisi.
Bala janynyń baǵbany atanǵan Muzafar Álimbaev 1923 jyly 29 qazanda Pavlodar oblysy Sharbaqty aýdanyndaǵy Maraldy aýylynda dúnıege kelgen.
Ol alǵashqy týyndylaryn 15 jasynda jazǵan. Jemisti shyǵarmashylyq jolynda Muzafar Álimbaev balalar jazýshysy retinde tanylyp, ádebıet áleminde "bala janynyń baǵbany" atandy.
Muzafar Álimbaevtyń alǵashqy kitaby – "Qaraǵandy jyrlary" bolǵan. Ol 1958 jyly "Baldyrǵan" jýrnalynyń bas redaktory bolyp, bul qyzmette 30 jylǵa jýyq istedi. Muzafar Álimbaev álem halyqtarynyń júzdegen maqalyn qazaq tiline aýdarǵan jazýshy. Ol tek aýdarmamen aınalysyp qana qoımaı, ony ulttyń bolmysyna beıimdep jetkizgen.
Eske sala keteıik, 1992 jyly 11 jeltoqsanda qabyldanǵan alǵashqy ánuran avtorlarynyń biri Muzafar Álimbaev bolǵan.
