Bügın, 7 qazanda Semei qalasynda körnektı jazuşy, abaitanuşy, alaştanuşy ǧalym, filologiia ǧylymdarynyŋ doktory, professor, Qazaqstannyŋ Eŋbek sıŋırgen qairatkerı Tūrsyn Jūrtbaidyŋ 75 jasqa tolǧan mereitoiyna arnalǧan halyqaralyq ǧylymi-tanymdyq konferensiia ūiymdastyryldy. Būl turaly Abai oblysy äkımdıgınıŋ baspasöz qyzmetı jazdy, dep habarlaidy «Adyrna» tılşısı.
«Qazaq ädebietındegı körkem oilau jüiesı jäne Tūrsyn Jūrtbaidyŋ şyǧarmaşylyq daralyǧy» taqyrybyndaǧy jiyn Abai oblysy äkımdıgınıŋ qoldauymen, Ǧylym jäne joǧary bılım ministrlıgı men Şäkärım universitetınıŋ ūiymdastyruymen öttı. Konferensiiaǧa Qazaqstan, Türkiia jäne Özbekstannan kelgen ädebiettanuşylar, tarihşylar, abaitanuşylar, alaştanuşylar jäne jas zertteuşıler qatysty.
Plenarlyq otyrysta söz söilegen Abai oblysynyŋ äkımı Berık Uäli Tūrsyn Jūrtbaidyŋ qazaq ǧylymy men ūlttyq ruhaniiatqa sıŋırgen eŋbegın erekşe atap öttı. Onyŋ aituynşa, ǧalym Keŋes däuırınde zertteuge tyiym salynǧan Alaş tarihyn ǧylymi ainalymǧa engızıp, alaştanu ǧylymynyŋ qalyptasuyna zor üles qosqan.
Konferensiia barysynda Tūrsyn Jūrtbaidyŋ ädebiettanu, abaitanu, alaştanu jäne äuezovtanu salalaryndaǧy ǧylymi mūrasy, şyǧarmaşylyq erekşelıgı men körkemdık ızdenısterı jan-jaqty talqylandy. Jiynda Qazaqstan, Türkiia jäne Özbekstannyŋ belgılı ǧalymdary baiandama jasap, jazuşy eŋbekterınıŋ ǧylymi maŋyzyna toqtaldy.
Mereitoi iesı Tūrsyn Jūrtbai konferensiiany ūiymdastyruşylar men qatysuşylarǧa alǧysyn bıldırdı. Ol bügınge deiın özınıŋ 134 kıtaby jaryq körgenın aityp, eŋbekterınıŋ jastar üşın de qūndy ruhani mūra bolaryna senım bıldırdı.
Is-şara aiasynda qalamgerdıŋ «Ūlt aqyny. Maǧjan Jūmabaidyŋ şyǧarmaşylyq ömırbaiany» jäne «Ölgendermen ömır süremın» atty jaŋa kıtaptarynyŋ tūsaukeserı öttı. Sonymen qatar, Şäkärım universitetınıŋ bes studentıne Tūrsyn Jūrtbai atyndaǧy arnaiy stipendiia taǧaiyndalyp, sertifikattar tabystaldy.
Mereitoi aiasyndaǧy mädeni şaralar jalǧasyp, Semeide «Tūrsyn Jūrtbai älemı» körmesı ūiymdastyryldy. Sondai-aq Abai muzeiınde «Alaştyŋ alyp tūlǧasy» atty ädebi keş ötedı.
