Keskini men túsi unaǵan beıneni tańdap, ózińizge tán qasıetterdi bilińiz.
1-beıne. Basqalardyń pikirimen sanasa bermeısiz, árdaıym sizdiki durys. Soǵan qaramastan, sizge ózgelerdiń boıyndaǵy birbetkeılik unaıdy. Sondaı-aq siz tabıǵatyńyzdan tek qana bıikke umtylýdy qalaısyz. Ómirge qushtar jansyz. Árqashan kúlimdep, aınalyńyzdy nurlandyryp, jylý sylaısyz. Aınalańyz sizdi meıirimdi jan dep tanıdy. Bul – sizdiń eń basty qasıetińiz.
2-beıne. Sizdiń energııańyz eshqashan sarqylmaıdy, kúsh-qýatyńyz da mol. Syrttaı olaq bop kórinýińiz múmkin. Biraq áste olaı emes. Siz bir sátte birneshe sharýany eńserip tastaı alasyz. Dittegen maqsatyńyzǵa jetpeı qoımaısyz. Armanyńyzdy oryndaý úshin bárine daıynsyz, jetistikke jetpeı qoımaısyz. Sheshim qabyldarda asyǵystyq tanytpaı, jeti ret ólshep, bir ret qana kesesiz.
3-beıne. Óte salmaqty, ustamdysyz. Syrt kózge bárine op-ońaı qol jetkizetin naǵyz joly bolǵyshtyń ózisiz. Biraq jaqsy nátıjeniń eń basty alǵysharty – tabandy eńbek emes pe? Siz de qalaýyńyzǵa tek qana eńbektiń arqasynda qol jetkizip kelesiz. Aınalańyz úshin siz jumbaq jansyz. Ózińiz de qupııa bolýdy qup kóresiz. Sezimińizdi, emoııańyzdy kóp rette jasyryp qalasyz. Alaǵan qolyńyz beregen de – árqashan jomarttyq tanytyp júresiz. Ózińizdi qorshaǵan orta men adamdarǵa beı-jaı qaraı almaısyz. Kómekke zárý adamǵa qol ushyn berýden eshqashan tartynbaısyz.
4-beıne. Qolyńyz ashyq, jomart adamsyz. Ómirge kózqarasyńyz, qushtarlyǵyńyz erekshe, óz álemińiz bar. Eshkimge kek saqtamaısyz. Tynyshtyqty, jaıbaraqat ómirdi ańsaısyz. Júregińizdegi, basyńyzdaǵy, aınalańyzdaǵy, tipti, álemdegi shý men qarbalas sizdi qajytqan. Ýaıymǵa salynyp, kóp oılanasyz.Tynyshtyqtyń ne ekenin umytqansyz. Keı-keıde qoldan kelmes iske de umtylyp, álek bolasyz.
5-beıne. Óte mazasyz adamsyz. Keıbireýlerge qabaq shytyp, keýdesinen ıteretin jaǵymsyz qasıetten de ada emessiz. Ishki jan dúnıeńizdi dóp basyp taný múmkin emes. Jumbaq adamsyz.
Alǵan betińizden qaıtpaıtyn qaısarlyǵyńyz bar. Eshqashan toqtamaı alǵa umtylatyn tynymsyzdyǵyńyzǵa qarap, sizdi quddy bir motor deýge bolady. Al basyńyz ıdeıanyń generatory sekildi. Dáıim jańalyqqa umtylyp, seńdi buzýdy kóksep turasyz. Birsaryndylyqty unatpaısyz.
6-beıne. Tek jaqsy dúnıeni oılaısyz. Kóńildisiz, sol qasıetińizben aınalańyzǵa óte juǵymdysyz. Naǵyz optımıssiz. Sizdiń osyndaı aqjarqyn qalpyńyz ózgelerge qýanysh syılap, keıde jigerlendiredi de. Dosyńyz kóp, qashan da olardy qoldap-qýattaısyz. Jaýlasýdy, renjisýdi qup kórmeısiz. Árbir sát siz úshin mańyzdy. Kóńilińiz sırek túsedi, muńaıýǵa altyn ýaqytyńyzdy joǵaltqyńyz kelmeıdi. Sizdiń janyńyzda tek ómirden lázzat ala biletin, bir-birine qýanysh syılaı alatyn jandar ǵana shoǵyrlanǵan.
7-beıne. Aqyldy, qarapaıym, qoly ashyq adamsyz. Ótkenge jaltaqtamaımyz, bolashaǵyńyzdy oılaısyz. Álemdi jaqsartqyńyz keledi. Soǵan dáıim talpynasyz da. Bálkim, álemdi ózgertýge sizdiń ǵana kúshińiz jetpes, biraq aınalańyzdaǵy adamdarǵa sharapatyńyzdy tıgizip júresiz. Sáttilik árdaıym sizdiń joldasyńyz.
8-beıne. Qarapaıym jansyz. Adamdy eliktirer qasıetińiz debar. Shynaıy mahabbatty ańsaısyz, biraq buıyrmaı qala ma dep qorqasyz. Tildesken janǵa jyly áser qaldyrasyz. Optımıssiz, biraq júregińizge jylý jetispeıtindeı kórinedi de turady. Ózge bireýdiń qamqorlyǵyn, myǵym qarym-qatynasty qalaısyz. Dostyqqa adalsyz.
9-beıne. Óte aqyldysyz. Jan semirter jaqsy kitap oqýdy unatasyz. Ózgelerdiń ishki álemine úńilip, bolmysyn taný siz úshin qyzyq. Siz tereń oıly, ári tirlikke de epti adamsyz. Jańalyqty tez qabyldaısyz. Úlgili tárbıeńizben qosa adaldyǵyńyzǵa aınalańyzdaǵylar bas ıedi. Eń bastysy – óz qalaýyńyzdy oryndaısyz, júregińizdi tyńdaısyz. Dúnıetanymyńyz keń, bireýdiń aldynda yqpaıtyn táýelsiz jansyz. Ózińizdi qatty maqtan tutasyz, menmendigińiz de joq emes.
“Adyrna” ulttyq portaly
