ŪBT-nyŋ alǧaşqy aptasynda 22 talapker testıleuge kırer kezde, al 21 talapker testıleu barysynda tyiym salynǧan zattardy qoldanǧan. Būl turaly Ūlttyq testıleu ortalyǧynyŋ direktory Ruslan Emelbaev Instagram-paraqşasynda aitty, dep habarlaidy “Adyrna” ūlttyq portaly.
"Ūialy telefon, jasyryn kamera, mikroqūlaqqaptar, qaǧaz şpargalka - būl ŪBT-ny oŋai tapsyrǧysy keletın talapkerlerdıŋ jiı paidalanatyn qūraldary. Biyl 18-ret ötıp jatqan ŪBT-nyŋ alǧaşqy aptasynda 22 talapker testıleuge kırgızu kezınde, al 21 talapker testıleu barysynda tyiym salynǧan zattardy qoldanuǧa tyrysqany üşın test tapsyru mümkındıgınen aiyryldy", - dedı ŪTO direktory.Sonymen qatar, ol keiıngı aptada talapkerler qandai tyiym salynǧan zattar qoldanǧanyn aityp berdı.
"Tapqyr testılenuşımız özımen bırge kırgızgen därumennıŋ syrtyna test sūraqtaryn jazyp, auditoriiadan şyǧaruǧa talpynǧan. Onyŋ būl äreketı bızdıŋ qyraǧy baqylauşylardyŋ arqasynda jüzege aspady. Sebebı testıleudıŋ barlyq prosesı olardyŋ tolyq nazarynda. Sondyqtan test tapsyrmasyn ne olardyŋ üzındısın auditoriiadan şyǧaramyn dep ümıttenbeŋız. Eŋbek ärqaşan aqtalady. ŪBT-ǧa jaqsylap daiyndalyp, tek öz bılımıŋızge senseŋız, sızdı bolaşaq jarqyn ömırıŋızde jaqsy marapat kütetın bolady. Sebebı bılım - eŋ maŋyzdy aspap", - dep tüiındedı Ruslan Emelbaev.
”Adyrna” ūlttyq portaly
Ūqsas jaŋalyqtar
