Mal şaruaşylyǧyndaǧy GPS-navigasiia
Biylǧy jyly «Sifrlyq Qazaqstan» baǧdarlamasy aiasynda Qostanai oblysynda jylqylardy «GPS-navigasiia jüiesımen jabdyqtau» jobasy jüzege asyryluda. Bır tabyndaǧy, iaǧni 1000-ǧa juyq jylqynyŋ 30-y navigasiia jüiesımen qamtamasyz etıledı. GPS-trekerlerdı azdaǧan jylqylarǧa ornatu öz kezegınde tabyndaǧy mal ūrlyǧynyŋ aldyn aluǧa, joǧalǧan maldyŋ oŋai tabyluyna kömegın tigızedı.12 tamyzdaǧy esep boiynşa, oblystyŋ 6 öŋırındegı 31 jylqyǧa trekerler ornatylǧan. Jūmys qyzu türde jalǧasyp jatyr.
Syr öŋırındegı jaŋaşyldyq
Syr aimaǧyndaǧy qoǧamdyq kölıkterge elektrondyq bilet jüiesı engızıldı. Būl turaly oblystyq jolauşylar kölıgı jäne avtomobil joldary basqarmasynyŋ basşysy Mūrat Tıleuımbetov habarlady. Onyŋ sözınşe, «Sifrlyq Qazaqstan» baǧdarlamasy şeŋberınde şahardaǧy qoǧamdyq kölıkterde elektrondy türde jol aqysyn töleu boiynşa jūmystar atqarylyp jatyr. 2020 jyldyŋ qyrküiegınen bastap, qalalyq marşuruttarǧa saralanǧan tarif engızılmek. Iаǧni, qolma-qol tölem 120 teŋge, elektrondy tölem 90 teŋgenı qūraityn bolady. Demek, köp ūzamai elektrondy tölemnıŋ tiımdılıgıne közı jetken qala tūrǧyndary jappai soǧan köşedı.
Qordai öŋırındegı keŋ jolaqty internet
«Sifrlyq Qazaqstan» baǧdarlamasy boiynşa jūmystar qazırgı taŋda Qordai öŋırınde de qyzyp tūr. Naqtyraq aitqanda, audandaǧy 14 auylda aǧymdaǧy jyldyŋ soŋyna deiın sapaly internet jelısı taratylady. Bırınşı kezekte ǧalamtorǧa äleumettık maŋyzy bar nysandar men memlekettık mekemeler qosylady. 8 äkımdık, 13 medisinalyq mekeme, 19 mektep, 3 polisiia punktı. Artynşa, ǧalamtor auyl tūrǧyndaryna da jol tartady. Talşyqty-optika qandai auyldarǧa ornatylady degen mäsele boiynşa tızım de jasalǧan. Oǧan 250-den kem tüspeitın tūrǧyny, memlekettık bılım beru jäne medisinalyq mekemelerı bar eldı-mekender engen. Būl degenımız - sifrlandyrudyŋ şarapaty şalǧai auyldarǧa da tiedı degen söz. Bügıngı taŋda Ötegen, Qyzylsai, Noǧaibai audan ortalyǧynan şalǧaida ornalasqan Masanşy, Qarakemer, Būlar batyr, Auqatty, Masanşy auyldaryna deiıngı jelı uchaskesı aiaqtalyp, mektep pen auruhanalardy keŋ jolaqty internet jelısıne qosu jūmystary bastalyp ketken.
Qaryştaǧan elektrondyq sauda
Sifrlandyrudyŋ aiqyn körınısı – elektrondyq sauda. Byltyrǧy jyly eldegı elektrondyq saudanyŋ ülesı 3,7 paiyzǧa ösıp, 300 mlrd teŋgenı qūraǧan. Biylǧy jylǧy jaǧdaidy eskersek, körsetılgen sandardyŋ bırneşe esege ösetını anyq. Pandemiia kezınde offlain formattaǧy köptegenkäsıpter onlainǧa ötıp, tūtynuşylardyŋ qajettılıgın qamtamasyz etude. Azyq-tülık, taǧam,qūrylys materialdary jäne kündelıktı tūrmystyq materialdarǧa tūrǧyndar qoldaryndaǧy smartfon arqyly tapsyrys berıp, keregın satyp aluy qarqyndy türde beleŋ alǧan.
«Adyrna» ūlttyq portaly
