قازاقستان رەسپۋبليكاسى ۇكىمەتىنىڭ قاۋلىسى بويىنشا 2017 جىلى 12 جەلتوقساندا «تسيفرلىق قازاقستان» مەملەكەتتىك باعدارلاماسى بەكىتىلگەن بولاتىن. اتالمىش باعدارلاما قابىلدانعاننان بەرى ەل ايماقتارىندا قولداۋ تاۋىپ، كوپتەگەن سالانىڭ قارقىندى دامۋىنا سەپتىگىن تيگىزۋدە.
مال شارۋاشىلىعىنداعى GPS-ناۆيگاتسيا
بيىلعى جىلى «تسيفرلىق قازاقستان» باعدارلاماسى اياسىندا قوستاناي وبلىسىندا جىلقىلاردى «GPS-ناۆيگاتسيا جۇيەسىمەن جابدىقتاۋ» جوباسى جۇزەگە اسىرىلۋدا. ءبىر تابىنداعى، ياعني 1000-عا جۋىق جىلقىنىڭ 30-ى ناۆيگاتسيا جۇيەسىمەن قامتاماسىز ەتىلەدءى. GPS-ترەكەرلەردى ازداعان جىلقىلارعا ورناتۋ ءوز كەزەگىندە تابىنداعى مال ۇرلىعىنىڭ الدىن الۋعا، جوعالعان مالدىڭ وڭاي تابىلۋىنا كومەگىن تيگىزەدى.12 تامىزداعى ەسەپ بويىنشا، وبلىستىڭ 6 وڭىرىندەگى 31 جىلقىعا ترەكەرلەر ورناتىلعان. جۇمىس قىزۋ تۇردە جالعاسىپ جاتىر.
سىر وڭىرىندەگى جاڭاشىلدىق
سىر ايماعىنداعى قوعامدىق كولىكتەرگە ەلەكتروندىق بيلەت جۇيەسى ەنگىزىلدى. بۇل تۋرالى وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى مۇرات تىلەۋىمبەتوۆ حابارلادى. ونىڭ سوزىنشە، «تسيفرلىق قازاقستان» باعدارلاماسى شەڭبەرىندە شاھارداعى قوعامدىق كولىكتەردە ەلەكتروندى تۇردە جول اقىسىن تولەۋ بويىنشا جۇمىستار اتقارىلىپ جاتىر. 2020 جىلدىڭ قىركۇيەگىنەن باستاپ، قالالىق مارشۋرۋتتارعا سارالانعان تاريف ەنگىزىلمەك. ياعني، قولما-قول تولەم 120 تەڭگە، ەلەكتروندى تولەم 90 تەڭگەنى قۇرايتىن بولادى. دەمەك، كوپ ۇزاماي ەلەكتروندى تولەمنىڭ تيىمدىلىگىنە كوزى جەتكەن قالا تۇرعىندارى جاپپاي سوعان كوشەدى.
قورداي وڭىرىندەگى كەڭ جولاقتى ينتەرنەت
«تسيفرلىق قازاقستان» باعدارلاماسى بويىنشا جۇمىستار قازىرگى تاڭدا قورداي وڭىرىندە دە قىزىپ تۇر. ناقتىراق ايتقاندا، اۋدانداعى 14 اۋىلدا اعىمداعى جىلدىڭ سوڭىنا دەيىن ساپالى ينتەرنەت جەلىسى تاراتىلادى. ءبىرىنشى كەزەكتە عالامتورعا الەۋمەتتىك ماڭىزى بار نىساندار مەن مەملەكەتتىك مەكەمەلەر قوسىلادى. 8 اكىمدىك، 13 مەديتسينالىق مەكەمە، 19 مەكتەپ، 3 پوليتسيا پۋنكتى. ارتىنشا، عالامتور اۋىل تۇرعىندارىنا دا جول تارتادى. تالشىقتى-وپتيكا قانداي اۋىلدارعا ورناتىلادى دەگەن ماسەلە بويىنشا ءتىزىم دە جاسالعان. وعان 250-دەن كەم تۇسپەيتىن تۇرعىنى، مەملەكەتتىك ءبىلىم بەرۋ جانە مەديتسينالىق مەكەمەلەءرى بار ەلدى-مەكەندەر ەنگەن. بۇل دەگەنىمىز - تسيفرلاندىرۋدىڭ شاراپاتى شالعاي اۋىلدارعا دا تيەدى دەگەن ءسوز. بۇگىنگى تاڭدا وتەگەن، قىزىلساي، نوعايباي اۋدان ورتالىعىنان شالعايدا ورنالاسقان ماسانشى، قاراكەمەر، بۇلار باتىر، اۋقاتتى، ماسانشى اۋىلدارىنا دەيىنگى جەلى ۋچاسكەسى اياقتالىپ، مەكتەپ پەن اۋرۋحانالاردى كەڭ جولاقتى ينتەرنەت جەلىسىنە قوسۋ جۇمىستارى باستالىپ كەتكەن.
قارىشتاعان ەلەكتروندىق ساۋدا
تسيفرلاندىرۋدىڭ ايقىن كورىنىسى – ەلەكتروندىق ساۋدا. بىلتىرعى جىلى ەلدەگى ەلەكتروندىق ساۋدانىڭ ۇلەسى 3,7 پايىزعا ءوسىپ, 300 ملرد تەڭگەنى قۇراعان. بيىلعى جىلعى جاعدايدى ەسكەرسەك، كورسەتىلگەن سانداردىڭ بىرنەشە ەسەگە وسەتىنى انىق. پاندەميا كەزىندە وففلاين فورماتتاعى كوپتەگەنكاسىپتەر ونلاينعا ءوتىپ, تۇتىنۋشىلاردىڭ قاجەتتىلىگىن قامتاماسىز ەتۋدە. ازىق-تۇلىك، تاعام،قۇرىلىس ماتەريالدارى جانە كۇندەلىكتى تۇرمىستىق ماتەريالدارعا تۇرعىندار قولدارىنداعى سمارتفون ارقىلى تاپسىرىس بەرءىپ, كەرەگىن ساتىپ الۋى قارقىندى تۇردە بەلەڭ العان.
«ادىرنا» ۇلتتىق پورتالى
