Qazaqstandaǵy áskerı sotta alǵash ret kisi ólimine qatysty jalǵan jala jabý isi toqtatyldy.
QR IIM Ońtústik óńirlik áskerı-tergeý basqarmasynyń asa mańyzdy ister jónindegi aǵa tergeýshisi, ádilet moıory G.Beısenbıev QR Áskerı sotynyń qylmystyq ister jónindegi sot alqasynyń sheshimin eskere otyryp, kapıtan A.Elemesovke qatysty qylmystyq isti toqtatty.
Jasyratyny joq, elimizde jyl saıyn prokýror Darhan Sharyqbaev pen sot tóraǵasy Estaı sekildi quzyretti kisilerdiń kesirinen naǵyz qylmyskerler anyqtalmaı, tanysy, aqshasy joqtar jazyqsyz japa shegýde.
Zań ǵylymdarynyń kandıdaty, professor Aıtmuhanbet Kemelhanov biliktiligi men tabandylyǵynyń arqasynda qorǵaýyndaǵy jazyqsyz azamatty tolyqtaı aqtap shyqty.
Qazaqstandaǵy áskerı quqyq salasynyń negizin qalaǵan birinshi zańgerge kúdikke ilingen Asylbek Elemesovti aqtaý ońaı bolǵan joq. Almaty gornızondyq sotynda prokýror Darhan Sharyqbaev Elemesovke negizsiz aıyp taǵyp, 3 jylǵa bas bostandyǵynan jáne kapıtandyq sheninen aıyrýdy surady. Kelesi sot otyrysynda sot tóraǵasy Estaı prokýrordyń negizsiz aıyptaryn eskere kele kúdiktige 2 jyl 6 aı bas bostandyǵyn shekteý jazasyn taǵaıyndady.
Sot tóraǵasy Estaı úkim shyǵarýda
Kisi ólimine qatysty oqıǵaǵa
2019 jyldyń 19 shildesinde Qurlyq áskerleriniń áskerı ınstıtýtynda aǵa nusqaýshy, mehanık-júrgizýshi efreıtor N.Aınaqul men serjant Q.Ibraımovqa tıesili borttyq nómiri 007 MTLB markaly áskerı tehnıkany tazartýǵa pármen beriledi. Tapsyrma berýshi – oqý úderisterin qamtamasyz etý batalony, oqý-jattyǵý artıllerııalyq batareıasynyń qarý-jaraq jónindegi orynbasary kapıtan A.Elemesov.
Dál osy kúni atalǵan batareıanyń komandıri kapıtan Jaqypbekov eńbek demalysynda bolsa, batalonnyń qarý-jaraq jónindegi orynbasary (áskerı tehnıkalarǵa jaýap beretin maman) maıor B.Sadyrov resmı túrde dáleldenbegen «otbasylyq jaǵdaıyna» baılanysty jumysqa kelmegen.
Saǵat 12.55-te áskerı tehnıkany Qytaıdan ákelgen arnaıy apparatpen (kesher) jýyp jatqan N.Aınaquldyń qasyna kelgen mınomettik oqý vzvodynyń kelisim-shart boıynsha áskerı qyzmetkeri R.Jumabaev kelip, túski tamaqtyń ýaqyty bolǵanyn aıtyp, 200 vattyq kesherdi toqtan sýyrmaqshy bolǵanda, ony toq soǵady (urady). Jumabaevqa alǵashqy medıınalyq kómek kórsetilgenimen, 13.25-te jedel járdem avtokóliginiń ishinde kóz jumady.
Sóıtip, qylmystyq is sot-medıınalyq saraptama qorytyndysy negizinde R.Jumabaevtyń qazasy «tehnıkalyq elektr toǵynyń soǵýynan bolǵan» degen sheshim shyǵarǵan. Osy oqıǵaǵa baılanysty áskerı tehnıka qaýipsizdigine jaýap berýi tıis moıor Sadyrovty emes, batareıanyń qarý-jaraq jónindegi orynbasary kapıtan Asylbek Elemesovke aıyp taǵyp, 2 jyl 6 aıǵa bas bostandyǵyn shektedi.
Sot úkiminen keıingi áreket
Advokat A.Kemelhanov sotta ádiletsiz jeńilis tapqannan keıin ekinshi satyly sotqa appelıaııalyq shaǵym túsirdi.
QR Áskerı sotynyń qylmystyq ister jónindegi sot alqasy apellıaııalyq shaǵymdy qarap, advokat Kemelhanovtyń paıdasyna sheshti.
«QR Qylmystyq proessýaldyq kodeksiniń 431 baby 1 bóliminiń 8 tarmaǵyn, 443-shi jáne 444-shi baptaryn basshylyqqa alyp, Almaty garnızony áskerı sotynyń 2020 jylǵy 3 aqpandaǵy "Asylbek Almaganbetovıch Elemesovke qatysty úkimniń kúshi joıylsyn jáne is Qylmystyq proessýaldyq kodeksiniń 323 babyna sáıkes prokýrorǵa jiberilsin, sottalǵan A.A.Elemesovtyń jáne onyń qorǵaýshysy – advokat A.J. Kemelhanovtyń appelıaııalyq shaǵymy ishinara qanaǵattandyrylsyn", - degen qaýlyda.
QR IIM Ońtústik óńirlik áskerı-tergeý basqarmasy ekinshi satyly sot sheshiminen keıin:
1.QR QK 156 babynyń 3 bóliminde kórsetilgen QR QM QÁÁI-nyń oqý ortalyǵynyń áskerı qyzmetshisi kapıtan Elemesovke qatysty qylmystyq quqyq buzýshylyq, QR QPK-niń 35 baby 1 bólimi 2 tarmaqshasynyń negizinde aldyn ala tergeýdi toqtatýǵa;
2.Tergeý barysynda anyqtalǵan aıǵaq zattar QR QM QÁÁI oqý ortalyǵynyń basshylyǵyna qaıtarylýyna;
3.Elemesovke qoldanǵan bultartpaý sharasy joıylýyna;
4.Qabyldanǵan sheshim múddeli tulǵalarǵa jetkizilýine;
5.Qaýlynyń kóshirmesi Almaty gornızony áskerı prokýroryna jiberilýine qaýly shyǵardy.
Jeńisten soń
Qurlyq áskerleriniń áskerı ınstıtýtynyń kapıtany Asylbek Elemesov qyzmetine qaıta oraldy. Instıtýt onyń jumystan bosatqannan qaıta qabyldanǵanǵa deıingi eńbekaqysyn tolyq qaıtardy.
Advokat Aıtmuhanbet Kemelhanov pen zańsyz aıyptalǵan Asylbek Elemesov Almaty gornızonynyń áskerı sotyna materıaldyq jáne moraldyq zııandy óteýge talap aryz berdi. Ótemaqy memlekettik qazynany ıelenýshi Qarjy mınıstrliginen sot sheshimi arqyly óndiriledi.
Jasulan Naýryzáli,
«Adyrna» ulttyq portaly
