Almaty garnizonynyŋ äskeri soty Mäjılıs deputaty Däulet Tūrlyhanovtyŋ sottalǧan ūly Nūrasyl Bolattyŋ Almatyda qydyryp jürgen videosyna qatysty tüsınıkteme berdı, dep habarlaidy «Adyrna» tılşısı.
«Almaty garnizonynyŋ Äskeri soty Bolat N.-ǧa qatysty ıs boiynşa sot aktısı onyŋ tırkelgen jerı boiynşa Astana qalasynyŋ Qylmystyq ızdestıru departamentıne oryndau üşın dereu jıberılgenın habarlaidy. Astana qalasy Baiqoŋyr audany boiynşa Probasiia qyzmetınıŋ hatynda ükim boiynşa mekenjaiǧa säikes kelmeuine bailanysty material oryndalmai qaitaryldy»,—delıngen habarlamada.
Baspasöz qyzmetı sottaluşynyŋ naqty tūrǧylyqty jerın anyqtau boiynşa ıs-şaralar jürgızılgenın atap öttı. Oǧan er adamnyŋ derekterın sūratu kezınde ekı qalada ornalasqan ekı mekenjaidyŋ körsetıluı sebep bolǧan.
«Atalǧan räsımderdıŋ ūzaqtyǧynyŋ sebepterın anyqtau maqsatynda tekseru jürgızılıp jatyr. Qazırgı uaqytta ıs boiynşa ükım Almaty men Astanada tırkelgen jerı boiynşa Probasiia qyzmetıne jıberıldı»,—dep tolyqtyrdy Äskeri sot ökılderı.
Eske salaiyq, būǧan deiın äleumettık jelıde şartty merzımge sottalǧan Nūrasyl Bolattyŋ tünde Almatyda jürgen videosy taraǧan edı.
