Aýrýhanaǵa tynys alý apparattaryn tartý etken Perýashev balalarǵa da smartfondar syılady

2301
Adyrna.kz Telegram

«Aq jol» partııasynyń kóshbasshysy Azat Perýashev balalarǵa partııa syılaǵan smartfondar ekrandarynan óz úndeýin joldady. Osynaý qysqa beıne úndeýde májilismen Arqalyq qalasynyń jas turǵyndaryna jańa oqý jylynda tabys tilep, ata-analaryna kómektesýge jáne jaqsy oqýǵa shaqyrdy.

Partııanyń óz qarajatyna satyp alynǵan telefondary Arqalyqtyń kóp balaly otbasylaryna tabys etildi.

Erekshe toqtala keter jaıt, ótken aptada halyq halaýlysy Arqalyq qalasyna arnaıy at basyn tirep, osy shalǵaı aımaqtaǵy áleýmettik máselelermen tanysqan bolatyn. Májilismen jumys sapary barysynda shaǵyn qaladaǵy jaǵdaı ońaı emes ekenin ańǵardy. Aıadaı Arqalyqta kóptegen qordalanǵan máseleler, qaterli indetten syrqattanǵandardyń kóptigi, dári-dármektermen tynys alý apparattarynyń tapshylyǵy, bilikti kadrlardyń joqtyǵy qatty alańdatady.

Májilismen jergilikti aýrýhanaǵa tynys alý apparattarymen, jeke qorǵaný quraldaryn tatrý etti . Sondaı-aq, covid-19 dertinen qaıtys bolǵandardyń týystarymen kezdesti. Sonymen qatar, Arqalyq dárihanalarynda dári-dármekterdiń baǵasy men bar-joǵyn tekserip, ondaǵan kóp balaly otbasyna bardy. Osynaý qıyn sátte taǵdyr taýqymetin tartyp otyrǵan otbasylaryna azyq-túlik jıyntyǵyn tartý etken májilismenniń kómegi qarapaıym halyqqa laıyqty qoldaý boldy.

Qazirgi tańda Arqalyqta kóptegen adamdar jumyssyz qalyp, kedeılik sheginde ómir súrýde. Kóp balaly otbasynda bolǵan depýtat balalarmen sóılesip, jáne ata-analardyń alańdatatyn máselelerine qulaq túrdi. Máselen, Úsenovtar otbasynda barlyq januıa músheleri úshin bir telefonǵa telmirip otyrǵanyn alǵash ret jetkizdi. Bul otbasydaǵy balalar úı tapsyrmasyn jasaý, Bilimland rolıkterin kórý jáne muǵalimmen baılanys jasaý úshin óz kezekterin saǵattap kútýge týra kelgen. Olardyń ótinishterin estigende Azat Perýashev jergilikti partııalastaryna qysqa merzimde otbasylardy gadjettermen qamtamasyz etý máselesin sheshýdi tapsyrdy. Tóraǵanyń tapsyrmasy boıynsha zamanaýı Samsung smartfon satyp alynyp, Arqalyqqa jetkizildi.Partııanyń Qostanaı fılıaly tóraǵasynyń orynbasary Dastan Jumabaev olardy tórt kóp balaly otbasyǵa tabys etti.

«Partııa tóraǵasy bizdiń aldymyzǵa balalardy jańa telefondarmen qamtamasyz etý jáne kómektesý mindetin qoıdy. Bul gadjetter jańa oqý jylynda bilimdi meńgerý barysynda sizderdiń senimdi dostaryńyz ben kómekshilerińiz bolady. Biz balǵyndarǵa osy mindetti jeńildetýge kómekteskenimizge qýanyshtymyz», – dedi ol.

Jańa smartfondar sol sáte qoraptan ashylyp, belsendirildi. Azat Perýashevtiń beıneúndeýi baqytty balalar úshin úlken tosynsyı boldy.  Onda Májilis depýtaty syılanǵan telefondardyń ekrandarynan arqalyqtyq jas balǵyndarǵa oqýda tabys tiledi.

 

"Aq jol" partııasynyń Qostanaı oblystyq fılıaly

Pikirler