Taraz qalasynyŋ äkımı Baqytjan Orynbekov Tynyşbaev köşesı, №1/1 mekenjaiynda ornalasqan ört bolǧan üidıŋ tūrǧyndarymen kezdestı. Jiyn barysynda şahar basşysy tötenşe jaǧdaidyŋ saldaryn joiu boiynşa qabyldanǧan şeşımderdı keŋınen tüsındırıp, tūrǧyndarǧa körsetıletın qoldau şaralary men aldaǧy atqarylatyn jūmystardy jetkızdı.
Eske sala keteiık, aǧymdaǧy jyldyŋ 10 qyrküiegı künı atalǧan mekenjaidaǧy baraq tiptes, 10 päterlı tūrǧyn üidıŋ şatyry örtengen bolatyn. Örttıŋ jalpy aumaǧy şamamen 250 şarşy metrdı qūrady.
Tılsız jaudy söndıru jūmystaryna Tötenşe jaǧdailar departamentınıŋ 30 qyzmetkerı men 8 bırlık tehnikasy, sondai-aq Apattar medisina ortalyǧynyŋ (SMK) 4 qyzmetkerı men 1 bırlık tehnikasy jūmyldyryldy. Qūtqaruşylardyŋ küşımen 2 adam qauıpsız jerge evakuasiialanyp, qyzyl jalyn saǧat 15:30-da tolyqtai oqşaulandy. Tūrǧyn üide barlyǧy 30 adam, onyŋ ışınde 5 kämeletke tolmaǧan bala tūrǧan. Tılsız jaudyŋ saldarynan qaza tapqandar men jaraqat alǧandar joq.
Zardap şekken tūrǧyndardyŋ basym bölıgı tuystarynyŋ üilerıne uaqytşa ornalastyrylǧan. Uaqytşa baspanaǧa mūqtaj bolǧan 3 otbasynyŋ 2-euı äleumettık mekemege jatqyzylsa, 1 janūia jasqa tolmaǧan balasynyŋ boluyna bailanysty Otbasyn qoldau ortalyǧyna jaiǧastyryldy.
Qala äkımınıŋ tapsyrmasymen arnaiy qūrylǧan tötenşe jaǧdailardyŋ aldyn alu jäne olardy joiu jönındegı kezekten tys komissiia bırneşe kün boiy jan-jaqty saraptama jürgızdı. Komissiianyŋ ūiǧarymymen atalǧan köppäterlı üide tötenşe jaǧdai jariialau turaly şeşım qabyldandy. Sondai-aq oqys oqiǧa saldarynan keltırılgen zalaldyŋ mölşerı eskerıle otyryp, zardap şekken 10 otbasynyŋ ärqaisysyna memleket tarapynan 300 ailyq eseptık körsetkış mölşerınde äleumettık kömek körsetıledı. Būl qarajat tūrǧyndardyŋ azyq-tülık jäne kündelıktı qajettı zattaryn qamtamasyz etuıne baǧyttalǧan.
Sonymen qatar zaqymdanǧan tūrǧyn üidıŋ şatyry men jabyndysyna jöndeu jūmystary jürgızılıp, tolyǧymen qalpyna keltırıletın bolady. Oǧan qala äkımdıgınıŋ rezervtık qorynan qarjy qarastyrylyp otyr.
Tūrǧyndar da öz kezegınde qiyn sätte järdem körsetken qala basşylyǧyna şynaiy rizaşylyqtaryn bıldırdı.
– Ört bolǧan sätten bastap qala äkımdıgı tarapynan jaǧdaiymyzǧa tüsınıstıkpen qarap, qajettı kömek körsetılıp keledı. Osyndai qiyn kezde bızdı nazardan tys qaldyrmai, mäselemızdı şeşuge naqty qoldau bıldırgen qala äkımıne jäne barlyq jauapty mamandarǧa alǧysymyzdy bıldıremız. Äsırese uaqytşa baspanamen qamtamasyz etu, äleumettık kömek körsetu jäne üiımızdı qalpyna keltıru boiynşa qabyldanǧan şeşımder bız üşın ülken demeu boldy, – deidı qala tūrǧyny Ürbibı Bolsynova.
Būl baǧyttaǧy jūmystardyŋ sapaly ärı uaqtyly oryndaluy qala äkımınıŋ jıtı nazarynda.
