Balamdy aman alyp qalyńdarshy: 3 jastaǵy sábıdiń salmaǵy 52 kelige jetken

2767
Adyrna.kz Telegram

Almaty oblysynyń turǵynynyń aıtýynsha, balasy semizdik aýrýyna shaldyqqan. Nebári úsh jastaǵy balanyń salmaǵy 52 kg. Bul týraly Astarly Aqıqat baǵdarlamasynda sóz boldy, dep habarlaıdy "Adyrna" ulttyq portaly Stan.kz saıtyna silteme jasap.

Dárigerler kishkentaı Nurálıdiń júregin maı basyp jatyr deıdi. Ókpesinde demikpe bar dep dabyl qaǵýda. Balamnyń tabanyna kirgen tiken mańdaıyma nege kirmedi dep kúndiz túni perzentiniń amandyǵyn tilep otyrǵan ata ananyń endigi úmiti siz ben bizde.

Erli-zaıypty 3 jastaǵy uldary Nurálıdiń densaýlyǵy úshin kómek suraıdy. Nurálı óz jasyna saı emes artyq salmaq jınaǵan. Asqa tábeti de erekshe. Al dárigerler balaǵa naqty dıagnoz qoıa almapty.

Nurálı 3 jasta. Salmaǵy 52 keli. Boıy 100 sm. Boıy óz jasyna saı kelgenimen, salmaǵy artyq. Ádette mundaı jasta balanyń salmaǵy 13-17 keli bolý kerek. Ata-anasynyń aıtýynsha, asqa tábeti zor. Eger tamaqty az berse, kógerip jylap, tynys ala almaı qalady.

"Úlken kólemdegi kıimderdi satyp ákelemin. Maǵan shaq kıimderdi kıedi. Úlken jórgekqaptardy kıedi. Dıeta saqtap kórdik. Oǵan shydamaıdy. Suraǵan nársesin bersemem, jylaıdy. Kógerip jylaǵanda talyp qala ma dep qorqamyz. Toıǵanyn bilmeıdi. 5 mınýt saıyn qarny ashyp turady. Dıetalyq taǵamdardy jemeımin dep jylaıdy. Táttini kóp jeıdi", - dedi anasy Naǵıma.

Balasy anasyna baǵynbaıdy, ákesine adap kóndigedi eken. Alaıda bir jerden bir jerge alany aparýdyń ózi muń.

"Meniń ózimniń salmaǵym 58 keli. Balamdiki 52 keli. Kóterip júrgen qıyn. Biraq amal joq, balam bolǵan soń kónemin. Ózi kóp júrmeıdi. Sharshap qalady. Dem jetispeı qalady. Júregin maı basa bastaǵan. Basqa balalarǵa ilese almaıdy. Tez sharshaıdy. Balamnyń densaýlyǵyna ýaıymdaımyn. Emdelip ketse eken deımin", - dep dylady ákesi.

Bul rette sarapshy mamandar ata-ananyń balanyń aıtqanyn istep úırengenin aıtady. Bul balanyń erke bolýyna, semizdikke shaldyǵýyna ákep soǵady dep eskertti.

"Shekten tys erkelik balaǵa keri áser etýi múmkin. Balanyń aıtqanyn isteı berýge de bolmaıdy. Balanyń suraǵannyn bere berý de ol úshin zııandy. Suraǵan saıyn tamaq bere berse, ózin qımyldatpaı kóterip júrse, ol balannyń semizdikke shaldyǵýynyń birden bir saldary", - dedi olar.

Al endokrınolog maman Nurálıdiń semizdiktiń úshinshi, sońǵy dárejesinde ekenin aıtty.

"Men Nurálıdiń baqylap otyryp onyń boıynan eshqandaı aýytqýshylyq kórip otyrǵan joqpyn. Bala óz jasyna saı psıhologııasy damyǵan. Tek salmaǵy kóp", - dedi psıholog.

Almaty temirjol aýrýhanasy Nurálıden tıisti analızder alyp, barlyq dárigerdiń qabyldaýyna tegin qabyldaýǵa daıar ekenin aıtty. Aldaǵy ýaqytta Nurálı osy mamandardyń baqylaýynda bolady.

Pikirler