Qasym-Jomart Toqaev Auǧanstandy öz qiyndyqtarymen jalǧyz qaldyrmauymyz qajet ekendıgın aitty, dep habarlaidy ”Adyrna” ūlttyq portaly.
Toqaevtyŋ aituy boiynşa, Qazaqstan BŪŪ şeşımın qoldaidy."Qazırgı zaman bolmysy TMD-nyŋ qauıpsızdık salasyndaǧy yntymaqtastyq tetıkterın jetıldırudı talap etedı. Būl saladaǧy bızdıŋ özara ıs-qimylymyzdyŋ negızgı konturasy Äskeri yntymaqtastyq tūjyrymdamasynda, sonymen qatar 2025 jylǧa deiın syrtqy şekaranyŋ şekaralyq qauıpsızdıgın nyǧaitu baǧdarlamasynda belgılengen.
Būǧan qosa, jürgızıler jūmysta terrorizm, dıni ekstremizm, esırtkı saudasynan tuyndaityn syn-qaterlerge bırlesıp qarsy tūru mäselelerıne erekşe basymdyq beru qajet.
Būl syn-qaterler Auǧanstanda oryn alǧan jaǧdaiǧa bailanysty bırınşı kezektı mänge ie bolyp otyr", – dedı Qasym-Jomart Toqaev.
“Būl eldegı kürdelı gumanitarlyq jaǧdai bükıl älemdık qoǧamdastyqtyŋ nazarynda boluy tiıs. Bızdıŋ saiasi közqarasymyz ben jeke nanym-senımımız qandai bolsa da, Auǧanstandy teŋdessız qiyndyqtarmen jalǧyz qaldyrmauymyz qajet.
Būl ıstegı naqty üles auǧan halqyna gumanitarlyq kömek bolmaq. Qazaqstan qazırdıŋ özınde azyq-tülık pen bırınşı qajettı tauarlardy jetkızuge kırısıp kettı. Būl jūmysty jüieleu üşın Auǧanstanǧa halyqaralyq kömek körsetu jönındegı logistikalyq hab qūrudy ūsynamyz.
Auǧanstanǧa daǧdarystyŋ ötkır kezeŋın eŋsergennen keiın de BŪŪ instituttary tarapynan mūnan arǧy da jüielı qoldaudyŋ qajet bolatyndyǧy sözsız. Osynau maŋyzdy mındetke bız ūsynyp otyrǧan Almatyda BŪŪ-nyŋ öŋırlık ortalyǧyn qūru turaly bastama jauap bere alady.
Dostastyq elderınıŋ osy josparlardyŋ jüzege asyryluyna järdem beretındıgıne ümıttenemız", – dedı memleket basşysy.
”Adyrna” ūlttyq portaly
