Qostanai oblysynda 23 säuır – Ūlttyq kıtap künıne orai «Kıtap oqityn ūlt» jobasynyŋ qorytyndysy şyǧarylyp, jeŋımpazdar saltanatty türde marapattaldy. Öŋırde jüzege asqan auqymdy bastama 55 myŋ qatysuşyny qamtyp, kıtap oqu mädenietın keŋınen nasihattaǧan ırı qoǧamdyq qozǧalysqa ainaldy. Būl körsetkış oblys halqynyŋ şamamen 7 paiyzyn qūrady.
Qostanai – aǧartuşylyq pen bılımnıŋ tamyry tereŋge ketken qasiettı ölke. Būl – qazaq dalasynda alǧaş mektep aşyp, bılım şamyn jaqqan Ybyrai Altynsarin men ūlt ruhaniiatynyŋ ırgesın qalaǧan Ahmet Baitūrsynūlynyŋ ızı qalǧan öŋır. Osyndai tarihi sabaqtastyq aiasynda Memleket basşysy Qasym-Jomart Toqaevtyŋ kıtap oqityn ūlt qalyptastyru jönındegı bastamasy Qostanai oblysynda jüielı türde jüzege asyp keledı.
Saltanatty räsımde söz söilegen oblys äkımı Qūmar Irgebaiūly Aqsaqalov kıtap oqudyŋ qoǧam damuy üşın maŋyzyn atap öttı:
«Kıtap oqityn adam — ärqaşan bılımımen ozyq, oiy ūşqyr jäne kez kelgen ortada bäsekege qabılettı bolady. Bızdıŋ basty maqsatymyz — jastardy tek bılımdı ǧana emes, sonymen bırge tereŋ oilaityn, ruhani bai tūlǧa retınde tärbieleu. Däl osy joba — bolaşaq ziiatker ūltty qalyptastyru jolyndaǧy maŋyzdy qadam. Būl oidy ǧylym men halyqaralyq zertteuler de rastaidy. IýNESKO derekterıne süiensek, künıne kemınde 10 minut kıtap oqityn adamdardyŋ sifrlyq sauattylyǧy men syni oilau qabıletı öte joǧary deŋgeide bolady» – dedı öŋır basşysy.
Is-şaraǧa arnaiy qatysqan Memlekettık syilyqtyŋ laureaty, Qazaqstannyŋ eŋbek sıŋırgen qairatkerı, TÜRKSOI Jazuşylar odaǧynyŋ töraǧasy Ūlyqbek Esdäulet jobanyŋ ruhani mänıne toqtalyp, öŋırdegı oqyrman mädenietınıŋ damuyna joǧary baǧa berdı.
Şara barysynda erekşe marapat tabystalǧanyn aita ketken jön, «Kıtap oqityn ūlt» öŋırlık jobalyq ofistıŋ menedjerı Abylai Maudan türkı älemınıŋ ädebietı men mädenietın damytuǧa qosqan ülesı üşın Ūlyqbek Esdäulettıŋ qolynan halyqaralyq «Qorqyt Ata» arnaiy tösbelgısın aldy.
Joba Qostanai oblysynyŋ 16 audany men 4 qalasyn qamtyp, 300-den astam bılım beru ūiymyn bırıktırdı.
Jalpy 1200-den astam intellektualdyq ıs-şara (kvizder, debattar, kıtap talqylaular) ötkızıldı. Nätijesınde kıtaphanalarǧa keluşıler sany men jaŋa oqyrmandar qatary aitarlyqtai artty. Būl körsetkışter öŋırde kıtap oqu mädenietınıŋ tūraqty qoǧamdyq qūndylyqqa ainalyp kele jatqanyn körsetedı.
Jobanyŋ nätijelılıgın qamtamasyz etken basty faktorlardyŋ bırı – pedagogikalyq qauymdastyqtyŋ belsendı qatysuy.
Jobaǧa 11 myŋnan astam pedagog qatysyp, mūǧalımder kıtaphanalarmen tyǧyz bailanysta jūmys ıstei otyryp, oquşylardy jüielı türde kıtap oquǧa baulydy jäne oqu prosesın tūraqty süiemeldedı. Nätijesınde balalardyŋ jobaǧa qatysu deŋgeiı aitarlyqtai artty. Būl täjıribe «mektep – pedagog – kıtaphana» özara ıs-qimylynyŋ tiımdı modelın qalyptastyrdy.
Atalǧan jobaǧa 400-den astam memlekettık qyzmetşı qatysyp, ärtürlı memlekettık qūrylymdardyŋ ökılderı keŋınen qamtyldy. Qatysuşylar memlekettık qyzmettegı joǧary jūmys qarqynyna qaramastan kıtap oquǧa tūraqty qyzyǧuşylyq tanytyp, jobanyŋ oi-örıstı keŋeituge jäne şeşım qabyldau sapasyn arttyruǧa yqpal etetının atap öttı. Nätijesınde kıtap oqu mädenietınıŋ memlekettık qyzmet jüiesınde de ornyǧa bastaǧany baiqaldy. Būl baǧytta Polisiia departamentı mamandary da, Salyq departamentınıŋ qyzmetkerlerı de, bılım bölımınıŋ basşylary men jūmyspen qamtu jäne äleumettık baǧdarlamalar bölımınıŋ basşysy jäne dene şynyqtyru jäne sport bölımınıŋ basşysy da erekşe belsendılık tanytyp, memlekettık qyzmetşılerdıŋ de kıtapqa qūştarlyǧyn däleldedı.
Oblystyq finalǧa 26 otbasy «Kıtap oqityn äulet» baǧyty boiynşa qatysyp, şamamen 100 adam bır-bırıne qoldau bıldırıp, jūmyla baq synasty. Būl sanatta ūrpaqtar sabaqtastyǧy aiqyn körındı – eŋ egde qatysuşy 85 jastaǧy ardaqty äje bolsa, eŋ kışkentai qatysuşy ata-anasyna qoldau bıldırıp kelgen nebärı 1,5 jasar büldırşın boldy.
Qatysuşylar jobanyŋ şarty boiynşa bekıtılgen 15 kıtapty oqyp şyǧyp, özderınıŋ jyldyq oqu normasyn 5 esege arttyrdy. Jobaǧa deiın bır adam jylyna orta eseppen 2-3 kıtap oqysa, jobaǧa qatysuşylar üşın kündelıktı 30-50 bet oqu būljymas ädetke ainalǧany sözsız.
Saltanatty keşte üzdık qatysuşylar diplomdarmen jäne 1 million, 600 myŋ, 400 myŋ teŋge kölemındegı sertifikattarmen marapattaldy. Jalpy jülde qory – 40 mln teŋgenı qūrady.
Osynau auqymdy bastamanyŋ jüzege asuy «AMANAT» partiiasy men Qostanai oblysynyŋ eŋ ırı agroönerkäsıptık holdingı — «Olja Agro» JŞS-nıŋ belsendı qoldauynyŋ arqasynda mümkın boldy. Mūndai serıktestık öŋırdegı adami kapitaldy damytu jolyndaǧy memleket pen biznestıŋ ortaq jauapkerşılıgın aiqyn körsetedı
«Kıtap oqityn ūlt» jobasy jai ǧana baiqau emes, bükıl halyqty bılım men ruhaniiat töŋıregınde bırıktırgen şyn mänındegı ūlttyq merekege ainaldy. Bılımge qūştar ūlt – qaşanda jeŋılmeitın ūlt!
Qostanai oblysynyŋ täjıribesı Kıtap oqityn ūlt qalyptastyru ideiasynyŋ naqty jüzege asatynyn däleldep otyr.
