«اق جول» پارتياسىنىڭ كوشباسشىسى ازات پەرۋاشەۆ بالالارعا پارتيا سىيلاعان سمارتفوندار ەكراندارىنان ءوز ۇندەۋىن جولدادى. وسىناۋ قىسقا بەينە ۇندەۋدە ماجىلىسمەن ارقالىق قالاسىنىڭ جاس تۇرعىندارىنا جاڭا وقۋ جىلىندا تابىس تىلەپ، اتا-انالارىنا كومەكتەسۋگە جانە جاقسى وقۋعا شاقىردى.
پارتيانىڭ ءوز قاراجاتىنا ساتىپ الىنعان تەلەفوندارى ارقالىقتىڭ كوپ بالالى وتباسىلارىنا تابىس ەتىلدى.
ەرەكشە توقتالا كەتەر جايت، وتكەن اپتادا حالىق حالاۋلىسى ارقالىق قالاسىنا ارنايى ات باسىن تىرەپ، وسى شالعاي ايماقتاعى الەۋمەتتىك ماسەلەلەرمەن تانىسقان بولاتىن. ماجىلىسمەن جۇمىس ساپارى بارىسىندا شاعىن قالاداعى جاعداي وڭاي ەمەس ەكەنىن اڭعاردى. اياداي ارقالىقتا كوپتەگەن قوردالانعان ماسەلەلەر، قاتەرلى ىندەتتەن سىرقاتتانعانداردىڭ كوپتىگى، ءدارى-دارمەكتەرمەن تىنىس الۋ اپپاراتتارىنىڭ تاپشىلىعى، بىلىكتى كادرلاردىڭ جوقتىعى قاتتى الاڭداتادى.
ماجىلىسمەن جەرگىلىكتى اۋرۋحاناعا تىنىس الۋ اپپاراتتارىمەن، جەكە قورعانۋ قۇرالدارىن تاترۋ ەتتى . سونداي-اق، covid-19 دەرتىنەن قايتىس بولعانداردىڭ تۋىستارىمەن كەزدەستى. سونىمەن قاتار، ارقالىق ءدارىحانالارىندا ءدارى-دارمەكتەردىڭ باعاسى مەن بار-جوعىن تەكسەرىپ، ونداعان كوپ بالالى وتباسىنا باردى. وسىناۋ قيىن ساتتە تاعدىر تاۋقىمەتىن تارتىپ وتىرعان وتباسىلارىنا ازىق-تۇلىك جيىنتىعىن تارتۋ ەتكەن ماجىلىسمەننىڭ كومەگى قاراپايىم حالىققا لايىقتى قولداۋ بولدى.
قازىرگى تاڭدا ارقالىقتا كوپتەگەن ادامدار جۇمىسسىز قالىپ، كەدەيلىك شەگىندە ءومىر سۇرۋدە. كوپ بالالى وتباسىندا بولعان دەپۋتات بالالارمەن سويلەسىپ، جانە اتا-انالاردىڭ الاڭداتاتىن ماسەلەلەرىنە قۇلاق ءتۇردى. ماسەلەن، ۇسەنوۆتار وتباسىندا بارلىق جانۇيا مۇشەلەرى ءۇشىن ءبىر تەلەفونعا تەلمىرىپ وتىرعانىن العاش رەت جەتكىزدى. بۇل وتباسىداعى بالالار ءۇي تاپسىرماسىن جاساۋ، Bilimland روليكتەرىن كورۋ جانە مۇعالىممەن بايلانىس جاساۋ ءۇشىن ءوز كەزەكتەرىن ساعاتتاپ كۇتۋگە تۋرا كەلگەن. ولاردىڭ وتىنىشتەرىن ەستىگەندە ازات پەرۋاشەۆ جەرگىلىكتى پارتيالاستارىنا قىسقا مەرزىمدە وتباسىلاردى گادجەتتەرمەن قامتاماسىز ەتۋ ماسەلەسىن شەشۋدى تاپسىردى. توراعانىڭ تاپسىرماسى بويىنشا زاماناۋي Samsung سمارتفون ساتىپ الىنىپ، ارقالىققا جەتكىزىلدى.پارتيانىڭ قوستاناي فيليالى توراعاسىنىڭ ورىنباسارى داستان جۇماباەۆ ولاردى ءتورت كوپ بالالى وتباسىعا تابىس ەتتى.
«پارتيا توراعاسى ءبىزدىڭ الدىمىزعا بالالاردى جاڭا تەلەفوندارمەن قامتاماسىز ەتۋ جانە كومەكتەسۋ مىندەتىن قويدى. بۇل گادجەتتەر جاڭا وقۋ جىلىندا ءبىلىمدى مەڭگەرۋ بارىسىندا سىزدەردىڭ سەنىمدى دوستارىڭىز بەن كومەكشىلەرىڭىز بولادى. ءبىز بالعىندارعا وسى مىندەتتى جەڭىلدەتۋگە كومەكتەسكەنىمىزگە قۋانىشتىمىز»، – دەدى ول.
جاڭا سمارتفوندار سول ساتە قوراپتان اشىلىپ، بەلسەندىرىلدى. ازات پەرۋاشەۆتىڭ بەينەۇندەۋى باقىتتى بالالار ءۇشىن ۇلكەن توسىنسىي بولدى. وندا ءماجىلىس دەپۋتاتى سىيلانعان تەلەفونداردىڭ ەكراندارىنان ارقالىقتىق جاس بالعىندارعا وقۋدا تابىس تىلەدى.
"اق جول" پارتياسىنىڭ قوستاناي وبلىستىق فيليالى
