Biyl Halyk Bank elımızdıŋ 5 öŋırınde qazaqtıldı jurnalisterge arnalǧan seminar-treningter ötkızedı – Oral, Qostanai, Semei, Taraz jäne Öskemen qalalarynda. Treningterdıŋ maqsaty – öŋırlık jurnalisterdıŋ qarjylyq sauatyn arttyru. Aita keteiık, mūndai treningter byltyr Atyrau, Qyzylorda, Aqtöbe, Şymkent, Türkıstan, Aqtau qalalarynda ötken bolatyn.
Būl joba arqyly bank bırınşı kezekte öŋırlık BAQ ökılderınıŋ qarjylyq sauatyn arttyrudy maqsat etedı. Osyndai ıs-şara arqyly bank jurnalistermen senım jäne jaqsy qarym-qatynas ornaidy degen ümıtte. Oǧan qosa, soŋǧy kezderı elımızderı alaiaqtardyŋ qūrbany bolǧandar sany artyp jatyr. Osy rette bank ökılderı alaiaqtardyŋ jaŋa shemalaryna toqtalyp, olarǧa aldanbau joldaryn aityp berdı.
«Bank qyzmetkerı eşqaşan derbes derekterdı jäne karta derekterın sūramaidy. Kartanyŋ qoldanylu merzımı, ärtürlı kodtar, - mūnyŋ barlyǧy bank qyzmetkerıne kerek emes. Mūndai mälımetterdı ädette alaiaqtar sūratady. Sondyqtan abai bolyŋyzdar», - dedı Halyk Bank BQO oblysy filialy direktorynyŋ orynbasary Gubaşev Rinat.
Resmi derekterge süiensek, jyl basynan berı 10 000-nan asa internet alaiaqtyq tırkelgen. Būl byltyrmen salystyrǧanda 4-5 esege köp eken. Osyǧan bailanysty bank klientterdıŋ alaiaqtarǧa aldanbauy üşın barynşa küş salyp, alaiaqtyq, qarjylyq sauattylyq siiaqty mäselelerdı qamtuǧa baǧyttalǧan bırqatar seminarlardy ötkızudı qolǧa alyp otyr. Banktegılerdıŋ aituynşa, olar qazaqstandyqtardy alaiaqtardan qorǧap, jurnalister arqyly olardyŋ qarjylyq sauatyn arttyrǧysy keledı.
Bank üşın eŋ bastysy – klientterdıŋ qauıpsızdıgı jäne olardyŋ bankke degen senımı. Aita keteiık, bank seminarlardan bölek aldaǧy uaqytta vebinarlar ötkızudı josparlaidy.
