Biznestı qalai qūru, belgılı maqsatqa qol jetkızu, köşbasşylyq qasietterdı damytu syndy mäseleler forum aiasynda daiyndalǧan oqytu seminarlary, konkurstar men tūsaukeserler barysynda talqylandy.
Kezdesu Abai atyndaǧy kıtaphana qabyrǧasynda öttı. Oǧan Semei qalasynyŋ qūramyna kıretın barlyq 14 auyldyq okrugterden kelgen jastar qatysty. Forum Semei qalasynyŋ ışkı saiasat bölımınıŋ qoldauymen "Şyǧys jastary" qoǧamdyq qorynyŋ ūiymdastyruymen ötkızıldı.
– Jyl boiy auyldyq okrugterde "Jastar jyly" aiasynda türlı ıs-şaralar, sonyŋ ışınde sporttyq, mädeni, bılım beru ıs-şaralaryn ötkızdık. Bız üşın jastardy bırıktıru, türlı problemalyq mäselelerdı şeşuge kömektesu, olarǧa öz äleuetın aşuǧa, ärtürlı salalarda jüzege asyruǧa kömektesu öte maŋyzdy. Osyndai maqsattardy da bügın Auyl jastary forumyn ötkızu kezınde alǧa qoiatyn bolamyz, - dedı "Şyǧys jastary" qoǧamdyq qorynyŋ jetekşısı Aidos Töleuhanov.
Oqu seminarlaryn, konkurstar men tūsaukeserlerdı ötkızu üşın kezdesuge är türlı jastar ūiymdarynyŋ ökılderı, jetıstıkke jetken jas käsıpkerler, jastar debattyq klubtardyŋ qatysuşylary, sportşylar şaqyryldy.
«Adyrna» portaly
Ūqsas jaŋalyqtar
