Almatyda jalpy qūny 142 mlrd teŋge bolatyn 11 investisiialyq joba qaraldy

29
Adyrna.kz Telegram
https://adyrna.kz/storage/uploads/YDC0vkP9pgZDBBwGVwc3nfS06z6kUSmHAXxHcdD7.jpg

Almaty qalasynyŋ äkımı Darhan Satybaldynyŋ töraǧalyǧymen Öŋırlık investisiialyq ştabtyŋ XVII otyrysy öttı.

Jiynda jalpy qūny 142 mlrd teŋge bolatyn 11 investisiialyq joba qaraldy. Olardy jüzege asyru nätijesınde şamamen 950 jaŋa jūmys ornyn aşu josparlanyp otyr.

Jobalar energetika, önerkäsıp jäne turizm salalaryn qamtidy. Atap aitqanda, Türksıb audanynda quaty 37 MVt jäne jylu öndıru körsetkışı 43 Gkal bolatyn jylu elektr stansiiasyn salu közdelgen. Jaŋa stansiia audandaǧy tūrǧyn üiler men äleumettık nysandardy jylu jäne elektr quatymen tūraqty qamtamasyz etuge mümkındık beredı.

Öndırıs salasynda üş joba ūsynyldy. Onyŋ bırı Jetısu audanynda susyn öndıretın zauyt salu. Qalǧan ekeuı Almatynyŋ İndustriialyq aimaǧynda jüzege asyrylady. Olar sudy tolyq siklmen tazartu jüielerın öndıretın käsıporyn jäne talşyqty-optikalyq kabel şyǧaratyn zauyt.

Sonymen qatar kün tärtıbıne qonaq üi infraqūrylymyn damytuǧa baǧyttalǧan jetı joba engızıldı. Olardyŋ qatarynda halyqaralyq brendtermen jūmys ısteitın qonaq üiler de bar.

Jiyn soŋynda Darhan Satybaldy tiıstı basqarmalar men audan äkımderıne jobalardy jüzege asyruda investorlarǧa qajettı qoldau körsetudı tapsyrdy. Sonymen bırge barlyq bastamanyŋ zaŋnama talaptaryna säikes kelısu räsımderınen ötıp, memlekettık saraptamanyŋ oŋ qorytyndysyn aluy qajettıgın eskerttı. Qala äkımdıgı öz qūzyretı şeŋberınde investorlarǧa qoldau körsetuge jäne tuyndaǧan mäselelerdı jedel şeşuge kömektesuge daiyn.

 

Pıkırler