«ARDOS-Jürek» mügedekter bırlestıgı» ZTB mümkındıgı şekteulı adamdarǧa arnalǧan «Ten Qogam» mobildı qosymşasyn tanystyrdy. Qosymşa Qazaqstannyŋ barlyq öŋırlerındegı mügedektıgı bar adamdar üşın qūqyqtar, jeŋıldıkter, oqytu, jūmyspen qamtu jäne basqa da köptegen mäseleler turaly özektı jüielengen naqty aqparatqa qoljetımdılıktı qamtamasyz etedı. Jobany «Şevron» kompaniiasymen serıktestıkte Ortalyq Aziianyŋ Euraziia Qory (OAEQ) äzırlegen «Qolda 3.0» jedel kömek baǧdarlamasy aiasynda jüzege asyruda. Juyrda M.Qozybaev atyndaǧy Soltüstık Qazaqstan universitetınde «Ten Qogam» mobildı qosymşasynyŋ tanystyrylymy öttı. Bügıngı taŋda qosymşany Play Market-ten jüktep aluǧa bolady.
Soltüstık Qazaqstan oblysynda 26 000-nan astam mügedektıgı bar adam tūrady. Tehnologiialardyŋ qaryştap damuyna qaramastan, osy adamdar üşın qajettı aqparatty qamtyǧan sapaly mobildı qosymşalar men saittar älı de joq. Joba komandasy mügedektıgı bar adamdardyŋ barlyq sanattaryna arnalǧan qazaq jäne orys tılderınde «Ten Qogam» mobildı qosymşasyn äzırledı.
«ARDOS-Jürek» mügedekter bırlestıgınıŋ direktory Aqjan Kärım bylai dep atap öttı: «Būl qosymşa mügedektıgı bar adamdarǧa, sondai-aq olardyŋ otbasy müşelerıne zaŋdardaǧy soŋǧy özgerıster men mädeniet obektılerınıŋ qoljetımdılıgı turaly habardar boluǧa mümkındık beredı. Qosymşa arqyly invataksi qyzmetterın paidalanu, azyq-tülık, därı-därmek jetkızuge tapsyrys beru mümkındıgı paida boldy».Qosymşada kelesı bloktar boiynşa özektı aqparat bar: qūqyqtar, jeŋıldıkter, oqytu, jūmyspen qamtu, memlekettık organdarmen özara ıs-qimyl jäne t. b. Barlyq aqparat kez-kelgen qūrylǧydan kıruge yŋǧaily bolu üşın https://tenqogam.kz/ saitynda qaitalanady. Soltüstık Qazaqstan oblysynyŋ tūrǧyndary üşın özektı aqparatty qamtityn «Qyzmetter jäne servis» qosymşa betın barlyq oblystarǧa keŋeitu josparlanuda. Mobildı qosymşany äzırleuge halyqty jūmyspen qamtu ortalyǧy, jūmyspen qamtudy üilestıru jäne äleumettık baǧdarlamalar basqarmasy, äleumettık qyzmet körsetu ortalyǧy, «Nūr Otan» partiiasy jäne qoǧamdyq ūiymdar ökılderınen tūratyn fokus-toptar qatysty. Fokus-toptardyŋ qatysuşylary qosymşanyŋ özektılıgın atap öttı jäne öz taraptarynan qosymşanyŋ mazmūny men funksionaly boiynşa ūsynystarymen bölıstı. Mysaly, olar qoljetımdılık elementterın körsete otyryp, paidalanuşylardy mädeni-demalys ıs-şaralary turaly habardar etu üşın qosymşany paidalanudy ūsyndy. Sondai-aq, qosymşaǧa «Sport» qosymşa betın qosu ūsynyldy. Otyrys qorytyndysy boiynşa barlyq qatysuşylar «Ten Qogam» mobildı qosymşasyn jetıldıruge jäne ılgerıletuge kömek körsetuge kelıstı.
"Adyrna" ūlttyq portaly
Ūqsas jaŋalyqtar
