Tegeran qalasynda ūly aqyn Abai Qūnanbaiūlynyŋ şyǧarmaşylyǧy men ruhani mūrasyn nasihattauǧa arnalǧan halyqaralyq seminar öttı. Būl turaly Syrtqy ıster ministrlıgı jazdy, dep habarlaidy «Adyrna» tılşısı.
«Abai’s Legacy – World Pride of Kazakhstan» atty ıs-şara Ekonomikalyq yntymaqtastyq ūiymynyŋ (EYŪ) Mädeniet institutynda ūiymdastyrylǧan.
Seminarǧa Tegeranda akkredittelgen şeteldık diplomatiialyq ökıldıkter men halyqaralyq ūiymdardyŋ basşylary, abaitanuşy ǧalymdar, ziialy qauym jäne būqaralyq aqparat qūraldarynyŋ ökılderı qatysqan.
Is-şaranyŋ aşyluynda EYŪ Mädeniet institutynyŋ prezidentı Mūhammad Hasan Abai şyǧarmaşylyǧyna joǧary baǧa berıp, aqynnyŋ ruhani mūrasy ūiymǧa müşe memleketterdıŋ ortaq igılıgı ekenın atap ötken.
Qazaqstannyŋ İrandaǧy elşısı Oŋtalap Oŋalbaev «Ūly Abai turaly» taqyrybynda baiandama jasap, aqynnyŋ oişyl, aǧartuşy jäne qazaq ūlttyq ädebietınıŋ negızın qalauşy retındegı rölıne toqtalǧan.
Elşı öz sözınde Abaidyŋ bılım, eŋbek, adaldyq, halyq bırlıgı jäne ädılettı qoǧam qūru jönındegı ideialarynyŋ maŋyzdylyǧyna nazar audarǧan. Onyŋ aituynşa, aqyn kötergen mäseleler qazırgı qoǧam üşın de özektılıgın joǧaltqan joq.
Seminar barysynda Abai mūrasynyŋ halyqaralyq maŋyzy da söz bolǧan. Aqyn şyǧarmalarynyŋ köptegen tılderge, sonyŋ ışınde parsy tılıne audarylǧany aitylǧan. Sonymen qatar şyǧys ädebietı Abai şyǧarmaşylyǧynyŋ maŋyzdy qainar közderınıŋ bırı bolǧany atap ötılgen.
Is-şara aiasynda Qazaqstan, Qyrǧyzstan, İran jäne Özbekstan ǧalymdary Abai şyǧarmaşylyǧy men ruhani mūrasynyŋ türlı qyrlaryna arnalǧan baiandamalar jasaǧan. Qatysuşylarǧa aqynnyŋ bai mūrasy turaly beinesiujet te körsetılgen.
