Belgili kásipker, «Sen» partııasynyń jetekshisi Ahmetbek Nursıla óziniń You Tube arnasy arqyly «SQ-Farmaııanyń» jabylýyn talap etip, qazaqstandyqtarǵa úndeý jasady. Ol shyǵarylymynyń atyn «Dat pen birlik» dep atap, el basyna túsken náýbettiń sheshý jolyn usynyp, osy jolda mıtıng uıymdastyrýǵa daıyn ekenin aıtty.
«SQ-Farmaııa» jabylsyn. Dári-dármek halyqqa eshqandaı deldalsyz tikeleı kelsin. Halyq bir ádiletsizdikti, bir bassyzdyqty anyqtap, sony sheshýdi halyq bolyp talap etelik.
"Eger medıınalyq mekemeler resmı dıstrıbıýtorlardan (deldaldyq kompanııa – avt.) tikeleı dári-dármekti alyp, dárilerdiń baǵasyn portalda ashyq kórsetetin bolsa, ony halyq ınternet arqyly baqylaý múmkindigine ıe bolyp, ol jemqorlyqty joıýǵa bolýshy edi. Dári-dármekti shetelden ákelý úshin «Samuryq-Qazyna» qurǵan «SK-Farmaııa» JShS kerek emes. Kelisesiz ǵoı. Osyndaı posttardy jazyp, osy bannerdi avatarlaryńyzǵa salyp, qazirgi ózekti osy problemany birligimizdi kórsetip, birge sheshýdi talap eteıikshi. Tym bolmasa el ekenimizdi osylaı kórseteıik. Bul máseleni sheshkennen keıin, dál osy jolmen kelesi máselelerdi sheshetin bolamyz.
Bir aptada bılik tarapynan eshqandaı is-áreket bolmasa, áleýmettik jeli arqyly bılikke talap qoıyp, hat jazyp, qol jınap, belsendiler bılikke tapsyratyn bolamyz. Qoldaımyn dep qol qoıý úshin sizge bir-aq mınýt ýaqyt jetip jatyr. Sol kezde 10 myń, 100 myń qol jınalatyn bolsa, bılik nazar aýdarady. Eger bılikke tapsyrylǵan hatqa bir apta ishinde jaýap bolmasa, ár qaladan dál osy másele boıynsha «Sen, Alash» partııasynyń belsendileri beıbit mıtıngter uıymdastyrady. Soǵan baryp qatynasýǵa bir-aq saǵat ýaqytyńyzdy arnasańyz – siz elimizde azamattyq qoǵam jasaýǵa qosqan úlesińiz bolar edi.
Eger beıbit mıtıngterde eshteńe shyqpasa, «dat» sharasyn ári qaraı jalǵastyramyz. Ata-babamyz bıliktiń sheshimine narazy bolǵanda aıtatyn dat dástúrini ary qaraı jalǵastyramyz.
Narazylyq kórsetýdiń birinshi qadamy – belgilengen ýaqytta halyq barlyq jumystaryn tastap, bir saǵatqa toqtatady.
Eger másele sheshilmese, onda osy shara bir kúnge sozylady. Dat aıtý tek qana beıbit jolmen bolady. Arandatýshylyqqa halyq bolyp jol bergizbeýge bolady.
Ermurat Bapı aǵamyzdyń «Dat» gazeti halyqqa keremet qyzmet jasady. Jasap ta jatyr. Endi sony áleýmettik jeli arqyly taǵy da bir beleske kóterip, damytýǵa bolady, aǵaıyn.
Halyqtyń taǵdyry, halyqtyń bolashaǵy, halyqtyń kúshi – tek qana bereke-birlikte! Birlikpen qarapaıym qımyldar jasaıyq...", - deıdi Ahmetbek Nursıla.
Jasulan Naýryzáli,
"Adyrna" ulttyq portaly
