Mäjılıstıŋ būrynǧy spikerı Nūrlan Nyǧmatulinnıŋ ūldary iemdengen «Qazfosfat» zauytynyŋ jūmysşylary ereuılge şyqty. Olar basşylyqqa jalaqyny arttyrudy mındettep, 10 kün ışınde şeşım şyǧaru talabyn qoidy, dep habarlaidy "Adyrna" ūlttyq portaly.
13 säuır künı Jambyl oblysy aumaǧynda ornalasqan «Qazfosfat» zauytynyŋ Jaŋatas qalasyndaǧy filialy – «Qaratau» tau-ken öŋdeu keşenınıŋ jüz eluge juyq jūmysşysy köşege ereuılge şyqty. Jelıge taraǧan beinejazbalarǧa qaraǧanda, jūmysşylar eŋbek jaǧdaiyn jaqsartu jäne jalaqyny köterudı talap etken. Jūmysşylar aiaq astynan bas köterıp, qazırgı baǧanyŋ qūldyrauyna bailanysty 10 paiyz tömen jalaqy alatyndaryn aityp şaǧymdanǧan. https://www.youtube.com/watch?time_continue=1&v=yJcYkZSaaNU&embeds_euri=https%3A%2F%2Forda.kz%2Ftrudovoj-konflikt-chego-hotyat-rabotniki-kazfosfata-v-zhanatase%2F&source_ve_path=MjM4NTE&feature=emb_title Jalaqy mölşerı infliasiia saldarynan 20 000 teŋgege "azaiyp otyr". Al basşylyq jospardy tolyq oryndamadyŋdar dep eŋbekkerlerdıŋ özın aiyptaǧan. Mūndai būlǧaqqa tözbegen jūmysşylar jūmys oryndaryn tastap şyǧyp, şendı-şekpendılermen betpe-bet söilesudı ūiǧarypty. Orda.kz-tıŋ jazuynşa, Jambyl oblysy äkımdıgı jūmyskerlerdıŋ 7 talapty alǧa tartyp otyrǧandaryn aitqan. Al jurnalist talap tızımınıŋ toǧyz bolǧanyn baiandady.
Sonymen qatar, şeruletken jūmysşylar basşylyqtyŋ būqpandai şeşımderımen kelıspeidındıgın de jetkızdı. Olardyŋ aitar uäjı mynandai:
- Kadrlyq «biznestı» toqtatularyn basşylyqtan sūradyq. Bızde eşqandai saiasi talap joq. Saiasat bızge kerek emes. Ailyq jalaqymyz, jūmys jaǧdaiymyz jaqsarsyn. Sodan keiın ötkende jūmysşylardy 50 paiyz jergılıktı halyqtan alamyz degen. Ekınşıden, infliasiiany ükımet qanşa aitady – sony bız qosamyz degen. Osy uaqytqa deiın qosylǧan joq. Bız artyq eşteŋe talap etıp otyrǧan joqpyz. Bügın benzin qymbattady. 21 paiyzdyq infliasiialyq aiyrmany ailyqqa qossyn, - deidı jūmysşylardyŋ bırı.Jūmysşylardyŋ taǧy bırı mūnyŋ beibıt miting ekenıne sendırdı. Basşylar tarapynan eşqandai şeşım joq ekenın de alǧa tartty.
- Aldyndaǧydai qūrǧaq uäde, - deidı ol. - İvestor kelgennen keiın qarjy qūiamyn dep keledı. Dūrys pa? Būl jerge tonauǧa, ūrlauǧa kelgen siiaqty, ıstep tūrǧan fabrikany tonap tastady. Sonyŋ bärı toqtatylsyn! Myna jerdegı «galereia» tolyǧymen kesılıp kettı, - deidı üşınşı eŋbekker.Osy oqiǧadan soŋ Parlament Mäjılıs deputaty, Güldara Nūrymova jūmysşylardyŋ talap-tılegın tyŋdau üşın şūǧyl türde Äulieata öŋırıne jūmys saparymen şyǧatyndyǧyn habarlady.
Qūrmettı jerlester! Jaŋatastaǧy jaǧdai boiynşa jūmysşylardyŋ talap-tılegın tyŋdau – mındetım. Sol üşın Sarysu audanyna jolǧa şyǧamyn. Taŋerteŋ jedel türde Astanadan ūşatyn bolamyn, - dep jazdy ol özınıŋ Facebook äleumettık jelısındegı jeke paraqşasyna.Al Jambyl oblysy äkımdıgınıŋ eŋbek inspeksiiasy basqarmasy Sarysudaǧy «Qazfosfat» jūmysşylarynyŋ narazylyqqa şyqqanyna qatysty tüsınıkteme berdı.
Saǧat 12:30-da Jambyl oblysynyŋ Sarysu audanynda «Qaratau» tau-ken öŋdeu keşenınıŋ ǧimaratynda «Qazfosfat» JŞS direktorynyŋ orynbasary E.Sarievtıŋ, sondai-aq audandyq mäslihat deputattarynyŋ qatysuymen osy käsıporyn qyzmetkerlerınıŋ (şamamen 150 adam) jinalysy aiaqtaldy, - dep habarlady basqarma.Eske sala keteiık, Qazaqstannyŋ bırqatar aimaǧynda jūmysşylar jalaqy jäne kadrlyq şeşımderge bailanysty bas kötere bastady. "QazMūnaigaz" jäne "Özenmūnaigazǧa" qyzmet körsetetın "BerÄlı Maŋǧystau Company" käsıpornynda jūmys ıstegen mūnaişylar tenderge bailanysty jūmystan qysqaryp qalǧan. "QazMūnaiGaz" olarǧa jalaqysyn saqtai otyryp, Kezbi" jäne Ai-Bis kompaniialarynan jūmys ūsynǧan. Bıraq olar būl ūsynysqa kelıspei, "toǧyz aidan soŋ taǧy tender ötıp, taǧy da jūmyssyz qalamyz, bızge tūraqty jūmys kerek" degen talap qoidy. Bilık ökılderı men mūnaişylardyŋ arasyndaǧy talas-tartys älı jalǧasyp jatyr.
"Adyrna" ūlttyq portaly
Ūqsas jaŋalyqtar
