Májilistiń burynǵy spıkeri Nurlan Nyǵmatýlınniń uldary ıemdengen «Qazfosfat» zaýytynyń jumysshylary ereýilge shyqty. Olar basshylyqqa jalaqyny arttyrýdy mindettep, 10 kún ishinde sheshim shyǵarý talabyn qoıdy, dep habarlaıdy "Adyrna" ulttyq portaly.
13 sáýir kúni Jambyl oblysy aýmaǵynda ornalasqan «Qazfosfat» zaýytynyń Jańatas qalasyndaǵy fılıaly – «Qarataý» taý-ken óńdeý kesheniniń júz elýge jýyq jumysshysy kóshege ereýilge shyqty. Jelige taraǵan beınejazbalarǵa qaraǵanda, jumysshylar eńbek jaǵdaıyn jaqsartý jáne jalaqyny kóterýdi talap etken. Jumysshylar aıaq astynan bas kóterip, qazirgi baǵanyń quldyraýyna baılanysty 10 paıyz tómen jalaqy alatyndaryn aıtyp shaǵymdanǵan.
https://www.youtube.com/watch?time_continue=1&v=yJcYkZSaaNU&embeds_euri=https%3A%2F%2Forda.kz%2Ftrudovoj-konflikt-chego-hotyat-rabotniki-kazfosfata-v-zhanatase%2F&source_ve_path=MjM4NTE&feature=emb_title
Jalaqy mólsheri ınflıaııa saldarynan 20 000 teńgege "azaıyp otyr". Al basshylyq jospardy tolyq oryndamadyńdar dep eńbekkerlerdiń ózin aıyptaǵan. Mundaı bulǵaqqa tózbegen jumysshylar jumys oryndaryn tastap shyǵyp, shendi-shekpendilermen betpe-bet sóılesýdi uıǵarypty.
Orda.kz-tiń jazýynsha, Jambyl oblysy ákimdigi jumyskerlerdiń 7 talapty alǵa tartyp otyrǵandaryn aıtqan. Al jýrnalıst talap tiziminiń toǵyz bolǵanyn baıandady.
Sonymen qatar, sherýletken jumysshylar basshylyqtyń buqpandaı sheshimderimen kelispeıdindigin de jetkizdi. Olardyń aıtar ýáji mynandaı:
- Kadrlyq «bıznesti» toqtatýlaryn basshylyqtan suradyq. Bizde eshqandaı saıası talap joq. Saıasat bizge kerek emes. Aılyq jalaqymyz, jumys jaǵdaıymyz jaqsarsyn. Sodan keıin ótkende jumysshylardy 50 paıyz jergilikti halyqtan alamyz degen. Ekinshiden, ınflıaııany úkimet qansha aıtady – sony biz qosamyz degen. Osy ýaqytqa deıin qosylǵan joq. Biz artyq eshteńe talap etip otyrǵan joqpyz. Búgin benzın qymbattady. 21 paıyzdyq ınflıaııalyq aıyrmany aılyqqa qossyn, - deıdi jumysshylardyń biri.
Jumysshylardyń taǵy biri munyń beıbit mıtıng ekenine sendirdi. Basshylar tarapynan eshqandaı sheshim joq ekenin de alǵa tartty.
- Aldyndaǵydaı qurǵaq ýáde, - deıdi ol.
- Ivestor kelgennen keıin qarjy quıamyn dep keledi. Durys pa? Bul jerge tonaýǵa, urlaýǵa kelgen sııaqty, istep turǵan fabrıkany tonap tastady. Sonyń bári toqtatylsyn! Myna jerdegi «galereıa» tolyǵymen kesilip ketti, - deıdi úshinshi eńbekker.
Osy oqıǵadan soń Parlament Májilis depýtaty, Gúldara Nurymova jumysshylardyń talap-tilegin tyńdaý úshin shuǵyl túrde Áýlıeata óńirine jumys saparymen shyǵatyndyǵyn habarlady.
Qurmetti jerlester! Jańatastaǵy jaǵdaı boıynsha jumysshylardyń talap-tilegin tyńdaý – mindetim. Sol úshin Sarysý aýdanyna jolǵa shyǵamyn. Tańerteń jedel túrde Astanadan ushatyn bolamyn, - dep jazdy ol óziniń Facebook áleýmettik jelisindegi jeke paraqshasyna.
Al Jambyl oblysy ákimdiginiń eńbek ınspekııasy basqarmasy Sarysýdaǵy «Qazfosfat» jumysshylarynyń narazylyqqa shyqqanyna qatysty túsinikteme berdi.
Saǵat 12:30-da Jambyl oblysynyń Sarysý aýdanynda «Qarataý» taý-ken óńdeý kesheniniń ǵımaratynda «Qazfosfat» JShS dırektorynyń orynbasary E.Sarıevtiń, sondaı-aq aýdandyq máslıhat depýtattarynyń qatysýymen osy kásiporyn qyzmetkerleriniń (shamamen 150 adam) jınalysy aıaqtaldy, - dep habarlady basqarma.
Eske sala keteıik, Qazaqstannyń birqatar aımaǵynda jumysshylar jalaqy jáne kadrlyq sheshimderge baılanysty bas kótere bastady. "QazMunaıgaz" jáne "Ózenmunaıgazǵa" qyzmet kórsetetin "BerÁli Mańǵystaý Company" kásipornynda jumys istegen munaıshylar tenderge baılanysty jumystan qysqaryp qalǵan. "QazMunaıGaz" olarǵa jalaqysyn saqtaı otyryp, Kezbı" jáne Ai-Bis kompanııalarynan jumys usynǵan. Biraq olar bul usynysqa kelispeı, "toǵyz aıdan soń taǵy tender ótip, taǵy da jumyssyz qalamyz, bizge turaqty jumys kerek" degen talap qoıdy. Bılik ókilderi men munaıshylardyń arasyndaǵy talas-tartys áli jalǵasyp jatyr.
"Adyrna" ulttyq portaly
