Qazaqstan Respublikasynyŋ
Tūŋǧyş Prezidentı - Elbasy
Nūrsūltan Nazarbaevqa
A R A Ş A H A T Asa märtebelı Nūrsūltan Äbışūly! Bügıngı seksennıŋ seŋgırıne tolǧan tuǧan künıŋız qūtty bolsyn! Qazaqstanymyzdyŋ täuelsız memleket, bırtūtas el retınde bırtuar bolmysymen älemge tanylǧany, jüregı «El» dep soqqan Özıŋızdıŋ eren eŋbegıŋız ben jasampaz ısterıŋızdıŋ arqasy. Halqymyzdyŋ qazırgı baq-quatty ömırı, baiandy bolaşaǧy üşın bükıl sanaly ǧūmyryŋyzdy arnap, azamattyq qajyr-qairatyŋyzben eŋbek etıp kelesız. Sızdıŋ syndarly saiasatyŋyzdyŋ arqasynda Qazaqstanymyz bedeldı de abyroily, älemdık qauymdastyq moiyndaǧan, jedel damudyŋ daŋǧyl jolyna tüsken elderdıŋ qataryna endı. Halyqtyŋ Özıŋızge degen süiıspenşılıgı de erekşe. «Elın süigen, elı süigen Elbasy» degen qanatty sözdıŋ halyqtyŋ jüregınen berık oryn aluy - sonyŋ aiqyn dälelı. Qai memleketke barsaq ta jüzımız jarqyn, beinemız asqaq. Öner men halyq – egız ūǧym. Sondyqtan öner älemındegı daryndar halyq arasynan şyǧady. Sızge osy ülken ötınışpen jügıne otyryp, ädıletsızdıktıŋ qūrbany bolyp otyrǧan, bolaşaǧanynan zor ümıt küttıretın talant iesı, bügıngı künı taǧdyry qyl üstınde tūrǧan Älıbi Qanybekūly Ötepbergen esımdı jas örennıŋ taǧdyryna araşa sūraimyn! Älıbidı – özımnıŋ ruhani balam dep eseptep, önerdegı Anasyna ainaldym. Öner-bılımge degen talanty men qabıletın, qūştarlyǧy men ziiatkerlıgın bylai qoiǧanda, şeberhanamyzdyŋ starostasy retınde bırge oqityn dostaryna, özınen kışı oqityn ını-qaryndastaryna degen meiırımı men janaşyrlyq sezımıne, ūiymdastyruşylyq qabıletıne kuämız. Jüregınde tazalyq pen ädıldıktı tu etken, adamgerşılık asyl qasietterı mol, bolaşaǧynan zor ümıt küttıretın Älıbi Ötepbergen toǧyz ai öttı, temır torǧa jazyqsyz qamalyp, boztorǧaidai şyryldap otyr. Men de botasyn joǧaltqan aruanadai janym – jabyrqau, jüregım – jaraly. Qazaq Ūlttyq öner universitetınıŋ 3 kurs studentı bola jürıp, kanikul kezınde bauyrlaryna kömektesu üşın, qosymşa qarajat tabu maqsatynda 2019 jyldyŋ şılde aiynda özınıŋ tuyp-ösken Aqtöbe oblysyndaǧy «Vostok-Aqböbek» jazǧy lagerıne tälımger bolyp ornalasyp, qyzmetıne kırıskennen keiın 4 künnen soŋ, jasöspırım balalarǧa azǧyndyq jasady dep aiyptalyp, biylǧy jyldyŋ 26 nauryzdaǧy Aqtöbe qalalyq mamandyrylǧan sotynyŋ Ükımımen 10 jyl jazaǧa kesılıp otyr. Būl öte auyr jaza! Sızge jügınbes būryn sot Ükımıne qatysty Älıbidı basynan bastap qorǧap kele jatqan qorǧauşylary men basqa da elımızge belgılı käsıbi zaŋger, mamandardyŋ pıkırın bıldık. Barlyǧy bır auyzdan Ükımnıŋ zaŋsyz ekendıgın, Älıbidı kınälı dep tanyp sottauǧa jetkılıktı dälelderdıŋ joqtyǧyn, kerısınşe ony tolyqtai aqtau kerektıgın aituda. Keŋes bergen zaŋgerlerdıŋ bırauyzdan aityp otyrǧany, sot ükımı - közge ūryp tūrǧan qarama-qaişylyqtar men zaŋsyzdyqtarǧa tolyp tūr. Anasyz ösken Älıbiımdı taǧdyr bır jylatty, endıgı jerde jüregı meiırımge toly önerdegı balapanymnyŋ jasamaǧan qylmysy üşın jazyqsyz sottalyp temır torda jylaityny – janyma batyp otyr. Al önerınen bölek, otbasy men ūstazdarynan alǧan tärbiesı men adami qasietterı mol - jas. Älıbi Ötepbergen – ūly dalanyŋ ruhani qūndylyqtaryn, ūltymyzdyŋ tamyry tereŋde jatqan moraly men etikalyq qaǧidalaryn boiyna sıŋırıp ösken tärbielı, önegelı jas ekenındıgıne sendıremız. Älıbi Ötepbergen – bolaşaq qazaq önerınıŋ qairatkerı, jüregı «El» dep soqqan memleketşıl jas tūlǧa. Asa märtebelı Nūrsūltan Äbışūly! Sızden Älıbi Qanybekūly Ötepbergenge qatysty qylmystyq ısıne aralasyp, Qazaqstan Respublikasynyŋ Elbasy - Qauıpsızdık Keŋesınıŋ töraǧasy retınde ädılettı ükım şyǧaryluyna kömektesuıŋızdı ötınemız! Zor ötınışpen, Meruert Ötekeşova, «Qazaqtyŋ Qyzjıbegı», Qazaqstannyŋ eŋbek sıŋırgen artisı, «Parasat» jäne «Qūrmet» ordenderınıŋ iegerı jäne elımızdıŋ öner qairatkerlerı: Asanälı Äşımov, Qazaqstannyŋ Eŋbek Erı, KSRO jäne Qazaqstannyŋ Halyq artisı, Qazaqstan Teatrlar Assosiasiiasynyŋ töraǧasy Aiman Mūsaqojaeva, Qazaqstannyŋ Eŋbek Erı, Qazaqstannyŋ Halyq artisı, Qazaq Ūlttyq öner universitetınıŋ rektory, Memlekettık syilyqtyŋ laureaty Eskendır Hasanǧaliev, Qazaqstannyŋ Halyq artisı, Memlekettık syilyqtyŋ laureaty Nūrǧali Nüsıpjanov, Qazaqstannyŋ Halyq artisı, Memlekettık syilyqtyŋ laureaty Maira İliiasova, Qazaqstannyŋ eŋbek sıŋırgen artisı, «Parasat» jäne «Qūrmet» ordenderınıŋ iegerı, Qanat Aitbaev, Mädeniet qairatkerı Svetlana Aitbaeva, Qazaqstannyŋ eŋbek sıŋırgen qairatkerı Ashat Maemirov, Qazaqstannyŋ eŋbek sıŋırgen qairatkerı, Filosofiia doktory, Q.Quanyşbaev atyndaǧy Qazaq memlekettık akademiialyq muzykalyq drama teatrynyŋ direktory Qaraqat Äbıldina, Qazaqstannyŋ eŋbek sıŋırgen qairatkerı Meruert Tüsıpbaeva, Qazaqstannyŋ eŋbek sıŋırgen qairatkerı, pedagogika ǧylymdarynyŋ kandidaty Altynai Jorabaeva, Qazaqstannyŋ eŋbek sıŋırgen qairatkerı, «Qūrmet» ordenınıŋ iegerı, Altynai Nögerbek, Qazaqstannyŋ eŋbek sıŋırgen qairatkerı, Memlekettık syilyqtyŋ laureaty Nürken Öteuılov, Qazaqstannyŋ eŋbek sıŋırgen qairatkerı
