Prezident äkımşılıgı töraǧasynyŋ bırınşı orynbasary Erlan Qarin äleumettık jelıdegı paraqşasynda toida tılek aitu kezınde ersı uaǧyz aityp, qoǧamda qyzu talqyǧa tüsken azamattyŋ äreketıne qatysty pıkır bıldırdı, dep habarlaidy "Adyrna".
Ol atalǧan videony körgenın aityp, onda aitylǧan äielderdı kemsıtetın közqarastar men änşılerge, muzyka önerıne qarsy pıkırlerdıŋ qazaq qoǧamynyŋ bolmysyna mülde jat ekenın atap öttı.
Erlan Qarinnıŋ aituynşa, qoǧamdyq ömırde dıni şekteulerden būryn zaŋ talaptary basşylyqqa alynuy tiıs.
«Qazaqstan – zaiyrly memleket. Bızdıŋ temırqazyǧymyz – Konstitusiia. Bırınşı orynda dıni şekteuler emes, elımızdıŋ zaŋdary tūrady», – dep jazdy ol.
Erlan Qarin öner men mädeniettı dınge qarsy qoiudy asyra sılteu dep baǧalap, elımızdıŋ damu baǧyty bılımge, ǧylymǧa, öner men mädenietke negızdelgenın atap öttı.
«Öner men mädeniettı dınge qarsy qoiu da – asyra sılteuşılık. Memleketımız taŋdaǧan jol būl emes. Kerısınşe, elımız bılım men ǧylymǧa, öner men mädenietke basymdyq berıp keledı.
Köpşılık aldynda adamdardy būlaişa alalau, öz pıkırın qasaqana tyqpalau ädeptılıkke jatpaidy. Bız özara qūrmet pen mädeniettı biık qoiamyz. Elımızdıŋ jaŋa qoǧamdyq etikany qalyptastyruǧa erekşe män berıp otyrǧany da sondyqtan.
Sol sebeptı, ūlttyq bolmys pen eldık ūstanymdarǧa qaişy keletın mūndai äreketterge qoǧam bolyp tosqauyl qoiuymyz qajet», - dedı ol.
