Qazir kez kelgenimizde uıaly telefon bar. Zamanaýı smartfondardy tıimdi paıdalanyp júrmiz. Az sóılespeımiz. Keıde saǵattap uzaqqa ketetinimiz bar. Mundaıda qaıtadan telefondy qýattandyrýǵa týra keledi. Kóbinese smartfondy tok kózine qosamyz da, ony sýyryp tastaýdy umytyp ketip jatamyz. Al onyń qandaı zııany bar? Bul maıda-shúıde nárse emes. Negizi telefondy qýattaý (zarıadtaý) barysynda neni qaperge alýymyz kerek? Neni eskerýimiz kerek?
1.Telefonnyń qýattandyrý qurylǵysyn tok kózinde qaldyrmaǵan durys
Biz kóbinese telefon qýattandyrylyp bolǵan soń ony tok kózinen (rozetka) ajyratpaǵan kúıe qaldyryp ketetinimiz bar. Negizi bul óte qaýipti. Óıtkeni tok kózinde turǵanda qýat alatyn qurylǵy symda proess júrip jatady. Biz oǵan mán bermeımiz. Al shamaly ýaqyttan soń energııa kózi shamadan tys artyq ketip, sym tuıyqtalyp nemese bir - birine tıip balqyp órt shyǵyp ketýi múmkin. Sondyqtan telefondy qýattandyratyn qurylǵyny tok kózinde eshqashan qaldyrýǵa bolmaıdy.
2.Telefondy 100 paıyz qýattandyrýǵa bolmaıdy
Biz kóbinese, telefondy 100 paıyz qýattandyrýǵa tyrysamyz jáne osy kórsetilgen deńgeıge jetkenshe qurylǵyny toq kózinen aıyrmaımyz. Bul durys emes. Shekten tys ýaqyt telefonnyń batareıasyn tym erte isten shyǵarady, sóıtip jaramsyzdana bastaıdy, artynan onyń qýaty tez bitip qalatyn bolady. Muny únemi este saqtaǵanymyz abzal.
3.Telefondy túnde qýattandyrýdyń qajeti joq
Bárimizge ortaq bir nárse bar. Túnde jatar aldynda smartfondy bir qaraımyz jáne qýaty taýsylyp qalmas úshin tok kózine tyǵamyz. Sóıtip, uıyqtap ketemiz. Tek tańerteń ǵana ony toktan ajyratamyz. Biz tańǵa deıin batareıada birneshe proess júretinin taǵy ańǵarmaımyz. Batareıanyń qýaty tómendeıdi. Ol qaıtadan qýattandyrylady jáne tańǵa deıin ajyratylmaǵan kúıi turady. Sonyń saldarynan artyq energııa ketedi, tok kózi kele bergen soń batareıa isinip, ýaqyt óte kele jaramsyzdana bastaıdy.
4.Telefon tokqa qosylyp tursa, sóılesýge bolmaıdy
Smartfonnyń qurylǵysy tok kózinde turǵanda, bárin umytyp uzaq sóılesetinimiz bar. Negizi bulaı jasaýǵa bolmaıdy. Mundaı jaǵdaıda uıaly telefonnyń akkmýlıatory óte baıaý jumys isteıdi. Sondyqtan odan esh paıda joq. Sóılesken kezde telefonnyń qýat qurylǵysyn ajyratyp tastaǵan durys. Sodan keıin ǵana baryp ony qaıtadan qýattandyrǵan abzal.
5.Telefonnyń qaptamasyn alyp tastap, tok kózine qosqan jón
Jalpy qajetti talapqa súıensek, telefonnyń syrtqy qaptamasyn alyp tastap baryp, ony tok kózine qosyp, qýattandyrǵan durys. Óıtkeni syrtqy qaptama qyzyp ketýi ábden múmkin. Bul óte qaýipti. Órt shyǵyp, ártúrli jaǵdaılar oryn alýy yqtımal.
6.Telefondy noýtbýk arqyly qýattandyrýdyń qajeti joq
Este ustar jaıt, birinshiden, bul proeste telefon baıaý qýat alady. Ekinshiden, qýattandyrý qurylǵysynyń «tez zarıadtaý» fýnkııasy jumys istemeı qalady. Sondyqtan telefondy noýtbýkke emes, tok berý núktesine tikeleı qosqan abzal.
Jalpy sapaly telefondy uzaq paıdalanyp jáne batareıa qalypty jumys isteýi úshin biz eń aldymen osy nárselerdi este saqtaǵanymyz abzal. Árıne, munyń barlyǵy da maıda-shúıde emes. Biraq «tek júrseń, toq júresiń». Smartfonyńyz sapaly bolyp, batareıańyz uzaq paıdalanýǵa jarasyn deımiz.
Erkin Qaldan,
«Adyrna» ulttyq portaly
