تەلەفوندى قۋاتتاندىرۋ كەزىندە جىبەرىلەتىن 6 قاتەلىك

1954

قازىر كەز كەلگەنىمىزدە ۇيالى تەلەفون بار. زاماناۋي سمارتفونداردى ءتيىمدى پايدالانىپ ءجۇرمىز. از سويلەسپەيمىز. كەيدە ساعاتتاپ ۇزاققا كەتەتىنىمىز بار. مۇندايدا قايتادان تەلەفوندى قۋاتتاندىرۋعا تۋرا كەلەدى. كوبىنەسە سمارتفوندى توك كوزىنە قوسامىز دا، ونى سۋىرىپ تاستاۋدى ۇمىتىپ كەتىپ جاتامىز. ال ونىڭ قانداي زيانى بار؟ بۇل مايدا-شۇيدە نارسە ەمەس. نەگىزى تەلەفوندى قۋاتتاۋ (زاريادتاۋ) بارىسىندا نەنى قاپەرگە الۋىمىز كەرەك؟ نەنى ەسكەرۋىمىز كەرەك؟

1.تەلەفوننىڭ قۋاتتاندىرۋ قۇرىلعىسىن توك كوزىندە قالدىرماعان دۇرىس

ءبىز كوبىنەسە تەلەفون قۋاتتاندىرىلىپ بولعان سوڭ ونى توك كوزىنەن (روزەتكا) اجىراتپاعان كۇيە قالدىرىپ كەتەتىنىمىز بار. نەگىزى بۇل وتە قاۋىپتى. ويتكەنى توك كوزىندە تۇرعاندا قۋات الاتىن قۇرىلعى سىمدا پروتسەسس ءجۇرىپ جاتادى. ءبىز وعان ءمان بەرمەيمىز. ال شامالى ۋاقىتتان سوڭ ەنەرگيا كوزى شامادان تىس ارتىق كەتىپ، سىم تۇيىقتالىپ نەمەسە ءبىر - بىرىنە ءتيىپ بالقىپ ءورت شىعىپ كەتۋى مۇمكىن. سوندىقتان تەلەفوندى قۋاتتاندىراتىن قۇرىلعىنى توك كوزىندە ەشقاشان قالدىرۋعا بولمايدى.

2.تەلەفوندى 100 پايىز قۋاتتاندىرۋعا بولمايدى

ءبىز كوبىنەسە، تەلەفوندى 100 پايىز قۋاتتاندىرۋعا تىرىسامىز جانە وسى كورسەتىلگەن دەڭگەيگە جەتكەنشە قۇرىلعىنى توق كوزىنەن ايىرمايمىز. بۇل دۇرىس ەمەس. شەكتەن تىس ۋاقىت تەلەفوننىڭ باتارەياسىن تىم ەرتە ىستەن شىعارادى، ءسويتىپ جارامسىزدانا باستايدى، ارتىنان ونىڭ قۋاتى تەز ءبىتىپ قالاتىن بولادى. مۇنى ۇنەمى ەستە ساقتاعانىمىز ابزال.

 

3.تەلەفوندى تۇندە قۋاتتاندىرۋدىڭ قاجەتى جوق

بارىمىزگە ورتاق ءبىر نارسە بار. تۇندە جاتار الدىندا سمارتفوندى ءبىر قارايمىز جانە قۋاتى تاۋسىلىپ قالماس ءۇشىن توك كوزىنە تىعامىز. ءسويتىپ، ۇيىقتاپ كەتەمىز. تەك تاڭەرتەڭ عانا ونى توكتان اجىراتامىز. ءبىز تاڭعا دەيىن باتارەيادا بىرنەشە پروتسەسس جۇرەتىنىن تاعى اڭعارمايمىز. باتارەيانىڭ قۋاتى تومەندەيدى. ول قايتادان قۋاتتاندىرىلادى جانە تاڭعا دەيىن اجىراتىلماعان كۇيى تۇرادى. سونىڭ سالدارىنان ارتىق ەنەرگيا كەتەدى، توك كوزى كەلە بەرگەن سوڭ باتارەيا ءىسىنىپ، ۋاقىت وتە كەلە جارامسىزدانا باستايدى.

4.تەلەفون توكقا قوسىلىپ تۇرسا، سويلەسۋگە بولمايدى

سمارتفوننىڭ قۇرىلعىسى توك كوزىندە تۇرعاندا، ءبارىن ۇمىتىپ ۇزاق سويلەسەتىنىمىز بار. نەگىزى بۇلاي جاساۋعا بولمايدى. مۇنداي جاعدايدا ۇيالى تەلەفوننىڭ اككمۋلياتورى وتە باياۋ جۇمىس ىستەيدى. سوندىقتان ودان ەش پايدا جوق. سويلەسكەن كەزدە تەلەفوننىڭ قۋات قۇرىلعىسىن اجىراتىپ  تاستاعان دۇرىس. سودان كەيىن عانا بارىپ ونى قايتادان قۋاتتاندىرعان ابزال.

5.تەلەفوننىڭ  قاپتاماسىن الىپ تاستاپ، توك كوزىنە قوسقان ءجون

جالپى قاجەتتى تالاپقا سۇيەنسەك، تەلەفوننىڭ سىرتقى قاپتاماسىن الىپ تاستاپ بارىپ، ونى توك كوزىنە قوسىپ، قۋاتتاندىرعان دۇرىس. ويتكەنى سىرتقى قاپتاما قىزىپ كەتۋى ابدەن مۇمكىن. بۇل وتە قاۋىپتى. ءورت شىعىپ، ءارتۇرلى جاعدايلار ورىن الۋى ىقتيمال.

6.تەلەفوندى نوۋتبۋك ارقىلى قۋاتتاندىرۋدىڭ قاجەتى جوق

ەستە ۇستار جايت، بىرىنشىدەن، بۇل پروتسەستە تەلەفون باياۋ  قۋات الادى. ەكىنشىدەن،  قۋاتتاندىرۋ قۇرىلعىسىنىڭ «تەز زاريادتاۋ» فۋنكتسياسى جۇمىس ىستەمەي قالادى. سوندىقتان تەلەفوندى نوۋتبۋككە ەمەس، توك بەرۋ  نۇكتەسىنە تىكەلەي قوسقان ابزال.

جالپى ساپالى تەلەفوندى ۇزاق پايدالانىپ جانە  باتارەيا قالىپتى جۇمىس ىستەۋى ءۇشىن ءبىز ەڭ الدىمەن وسى نارسەلەردى ەستە ساقتاعانىمىز ابزال. ارينە، مۇنىڭ بارلىعى دا مايدا-شۇيدە  ەمەس. بىراق «تەك جۇرسەڭ، توق جۇرەسىڭ». سمارتفونىڭىز ساپالى بولىپ، باتارەياڭىز ۇزاق پايدالانۋعا جاراسىن دەيمىز.

ەركىن قالدان،

«ادىرنا» ۇلتتىق پورتالى

پىكىرلەر
رەداكتسيا تاڭداۋى