Qazaqstanda osy jyldyŋ 5 aiynda jedel järdem brigadalary 3 millionnan asa şaqyrtuǧa qyzmet körsetken. Bes öŋırde şaqyrtu aitarlyqtai köbeigen. Būl turaly Ūlttyq şūǧyl medisinany üilestıru ortalyǧy basqarma töraǧasynyŋ mındetın atqaruşy Bauyrjan Jüsıpov aitty, dep habarlaidy Tengrinews.kz tılşısı.
Bauyrjan Jüsıpovtıŋ aituynşa, qazır el boiynşa 1967 sanitariialyq avtokölık bar.
"QR boiynşa jedel medisinalyq kömek qyzmetı 18 derbes jedel medisinalyq kömek stansiiasynan, 87 qalalyq kışı stansiiasynan jäne 288 audandyq jedel kömek bölımşesınen tūrady. Respublika boiynşa kün saiyn jedel kömek şaqyrtularyna 1 400-ge juyq jedel medisinalyq kömek brigadalary qyzmet körsetedı. Onyŋ 23 paiyzy - mamandandyrylǧan därıgerlık brigada, 77 paiyzy - feldşerlık brigada... Qazırgı taŋda 1967 sanitariialyq avtokölık bar. Osy jyly 807 bırlık jedel järdem kölıgın satyp alu josparlanǧan", - dedı ol OKQ onlain-brifingınde.Mamannyŋ aituynşa, jyl basynan berı jedel järdem şaqyratyn tūrǧyndardyŋ sany artqan. Al mausym aiynda bes öŋırde şaqyrtu aitarlyqtai köbeigen. Olar: Aqtöbe, Qyzylorda oblystary, Şymkent, Almaty jäne Nūr-Sūltan qalalary. Sol sebeptı jedel järdem brigadasy būrynǧy uaqytynan 12-13 minutqa keşıgıp keledı.
"Osy jyldyŋ 5 aiynda jedel kömek brigadalary 3 millionnan asa şaqyrtuǧa qyzmet körsettı. Jalpy respublika boiynşa jedel medisinalyq kömek brigadalary künıne 18 myŋ şaqyrtuǧa qyzmet körsetıp jatyr. Bıraq mausym aiynda şaqyrtu 10 paiyzǧa östı. Sonyŋ ışınde aitarlyqtai ösım 15-22 mausym aralyǧynda boldy, täulıgıne 22 myŋnan astam şaqyrtuǧa qyzmet körsettı. Öŋırler boiynşa Aqtöbe, Qyzylorda oblystarynda, Şymkent, Almaty jäne Nūr-Sūltan qalalarynda şaqyrtu köbeigen. Osyǧan bailanysty jedel kömek brigadasynyŋ şaqyrtu ornyna deiıngı ortaşa kelu uaqyty 12-13 minutqa artqany baiqalady", - dedı ol.Maman jedel järdem brigadasynyŋ kelu uaqyty nauqastyŋ jaǧdaiyna bailanysty bolatynyn atap öttı.
"Būl rette aita ketu kerek, bekıtılgen erejege säikes, şaqyrtulardyŋ kelu uaqyty jedeldılık saǧatyna bailanysty. Iаǧni nauqastyŋ ömırıne nemese densaulyǧyna qauıp töngen jaǧdaida jedel medisinalyq kömek brigadasynyŋ kelu uaqyty 10-15 uaqyttan aspauy tiıs, al pasienttıŋ ömırıne ne densaulyǧyna aiqyn qauıp bolmaǧan jaǧdaida kelu uaqyty 60 minutqa deiın özgeredı", - dedı Jüsıpov.Eske salaiyq, elımızdıŋ bırneşe öŋırınde jedel järdem brigadasy uaqytyly kelmei şu şyqty. Sondai-aq Aqtöbe oblysynda auruhanalar jedel järdem brigadasymen kelgen nauqasty qabyldaudan bas tartqandardyŋ videosy tarady.
