Qazaqstanda osy jyldyń 5 aıynda jedel járdem brıgadalary 3 mıllıonnan asa shaqyrtýǵa qyzmet kórsetken. Bes óńirde shaqyrtý aıtarlyqtaı kóbeıgen. Bul týraly Ulttyq shuǵyl medıınany úılestirý ortalyǵy basqarma tóraǵasynyń mindetin atqarýshy Baýyrjan Júsipov aıtty, dep habarlaıdy Tengrinews.kz tilshisi.
Baýyrjan Júsipovtiń aıtýynsha, qazir el boıynsha 1967 sanıtarııalyq avtokólik bar.
"QR boıynsha jedel medıınalyq kómek qyzmeti 18 derbes jedel medıınalyq kómek stanııasynan, 87 qalalyq kishi stanııasynan jáne 288 aýdandyq jedel kómek bólimshesinen turady. Respýblıka boıynsha kún saıyn jedel kómek shaqyrtýlaryna 1 400-ge jýyq jedel medıınalyq kómek brıgadalary qyzmet kórsetedi. Onyń 23 paıyzy - mamandandyrylǵan dárigerlik brıgada, 77 paıyzy - feldsherlik brıgada... Qazirgi tańda 1967 sanıtarııalyq avtokólik bar. Osy jyly 807 birlik jedel járdem kóligin satyp alý josparlanǵan", - dedi ol OKQ onlaın-brıfınginde.
Mamannyń aıtýynsha, jyl basynan beri jedel járdem shaqyratyn turǵyndardyń sany artqan. Al maýsym aıynda bes óńirde shaqyrtý aıtarlyqtaı kóbeıgen. Olar: Aqtóbe, Qyzylorda oblystary, Shymkent, Almaty jáne Nur-Sultan qalalary. Sol sebepti jedel járdem brıgadasy burynǵy ýaqytynan 12-13 mınýtqa keshigip keledi.
"Osy jyldyń 5 aıynda jedel kómek brıgadalary 3 mıllıonnan asa shaqyrtýǵa qyzmet kórsetti. Jalpy respýblıka boıynsha jedel medıınalyq kómek brıgadalary kúnine 18 myń shaqyrtýǵa qyzmet kórsetip jatyr. Biraq maýsym aıynda shaqyrtý 10 paıyzǵa ósti. Sonyń ishinde aıtarlyqtaı ósim 15-22 maýsym aralyǵynda boldy, táýligine 22 myńnan astam shaqyrtýǵa qyzmet kórsetti. Óńirler boıynsha Aqtóbe, Qyzylorda oblystarynda, Shymkent, Almaty jáne Nur-Sultan qalalarynda shaqyrtý kóbeıgen. Osyǵan baılanysty jedel kómek brıgadasynyń shaqyrtý ornyna deıingi ortasha kelý ýaqyty 12-13 mınýtqa artqany baıqalady", - dedi ol.
Maman jedel járdem brıgadasynyń kelý ýaqyty naýqastyń jaǵdaıyna baılanysty bolatynyn atap ótti.
"Bul rette aıta ketý kerek, bekitilgen erejege sáıkes, shaqyrtýlardyń kelý ýaqyty jedeldilik saǵatyna baılanysty. Iaǵnı naýqastyń ómirine nemese densaýlyǵyna qaýip tóngen jaǵdaıda jedel medıınalyq kómek brıgadasynyń kelý ýaqyty 10-15 ýaqyttan aspaýy tıis, al paıenttiń ómirine ne densaýlyǵyna aıqyn qaýip bolmaǵan jaǵdaıda kelý ýaqyty 60 mınýtqa deıin ózgeredi", - dedi Júsipov.
Eske salaıyq, elimizdiń birneshe óńirinde jedel járdem brıgadasy ýaqytyly kelmeı shý shyqty. Sondaı-aq Aqtóbe oblysynda aýrýhanalar jedel járdem brıgadasymen kelgen naýqasty qabyldaýdan bas tartqandardyń vıdeosy tarady.
