Aqtauda alǧaş ret qaitys bolǧannan keiıngı donorlyq jaǧdai tırkeldı. Būl turaly Maŋǧystau oblystyq köpbeiındı auruhanasynyŋ baspasöz qyzmetı mälımdedı, dep habarlaidy "Adyrna".
Oblystyq köpbeiındı auruhanasynda 45 jastaǧy er adamnyŋ mi ölımı anyqtaldy. Öŋırlık üilestıruşı İndira Amanqosqyzy men stasionarlyq koordinator Iliias Iýsupūly tuystaryna qajettı tüsındıru jūmystaryn jürgızdı. Jaqyndary batyldyq tanytyp, donorlyqqa kelısım bergen soŋ, auruhana bazasynda QR Densaulyq saqtau ministrlıgınıŋ Transplantattaudy jäne joǧary tehnologiialyq medisinalyq qyzmetterdı üilestıru jönındegı respublikalyq ortalyǧy mamandarymen bırlesıp jürek alu operasiiasy jasaldy.
Donordyŋ jüregı ūzaq uaqyt kütu paraǧynda tūrǧan nauqasqa sättı transplantasiialandy. Operasiiany QR Densaulyq saqtau ministrlıgınıŋ Transplantasiia ortalyǧynyŋ mamandary sättı jüzege asyrdy.
«Būl – öŋırımız üşın erekşe maŋyzdy oqiǧa. Donorlyq mi ölımınıŋ resmi rastaluynan keiın barlyq medisinalyq räsımder zaŋdy türde oryndaldy. Bız donorlyqqa şeşım qabyldaǧan otbasyna şynaiy qūrmet körsetemız jäne adam ömırın qūtqaruǧa baǧyttalǧan ızgı qadamdary üşın alǧys aitamyz», - dedı Maŋǧystau oblystyq köpbeiındı auruhanasy direktorynyŋ m.a. Berık Kaunov.
Mūndai jaǧdai Maŋǧystau öŋırınde alǧaş ret tırkelıp otyr. Būǧan deiın oblysta qaitys bolǧannan keiıngı donorlyq faktı kezdespegen.
Maŋǧystau oblysy boiynşa transplantasiia jönındegı öŋırlık üilestıruşı İndira Amanqosqyzynyŋ aituynşa, qazır jalpy kütu paraǧynda 175 maŋǧystaulyq bar. Onyŋ ışınde 165 eresek pen 3 bala - büirek, 4 eresek, 1 bala – bauyr, 2 eresek jürek transplantasiiasyn kütude.
Älemdık täjıribede qaitys bolǧannan keiıngı donorlyq adamgerşılıktıŋ eŋ joǧary körınısı sanalady. Bır donor alty adamǧa deiın ömır syilai alady.
