Shymkent qalasynyń bas sanıtarlyq dárigeriniń sheshimi boıynsha 1 maýsymnan bastap Shymkent qalasynyń barlyq halyqqa qyzmet kórsetý ortalyqtary óz jumysyn qaıta bastady. Bul týraly «Azamattarǵa arnalǵan úkimet» MK QE AQ Shymkent qalasy boıynsha fılıalynyń baspasóz qyzmeti habarlady.
Alaıda vırýstyń taralý qaýpi saqtalýyna baılanysty Shymkent qalasynyń turǵyndary HQO-da elektrondy formatta qoljetimsiz «qaǵaz júzindegi» qyzmetterdi jáne egov.kz portalynda rásimdelgen qyzmetterdiń nátıjelerin ala alady.
HQO-ǵa barý úshin kezek ýaqytyn 1414 baılanys ortalyǵy nemese nemese egov.kz portalyndaǵy arnaıy servıs jáne egovkzbot2.0 telegram-boty arqyly aldyna ala brondaý qajet bolady.
Qazirgi tańda memlekettik qyzmettiń 80%- dan astamyn egov.kz elektrondy úkimet portaly, telegramdaǵy eGovKzBot2.0 boty jáne eGovMobile mobıldik qosymshasy arqyly onlaın formatta alýǵa bolady. Jeke jáne zańdy tulǵalarǵa EQ berý boıynsha qyzmet onlaın formatqa qoljetimdi.
Kompıýteri joq azamattar úshin HQO ǵımaratynan tys ózdiginen qyzmet alýǵa arnalǵan 315 egov.kz buryshy ashyldy. Olar memlekettik organdar men oqý oryndary alańdarynan memlekettik qyzmetterdi alýǵa bolady. Endi turǵyndar qaladaǵy 315 ózine-ózi qyzmet kórsetý aımaǵynan elektrondyq memlekettik qyzmetterdi óz betinshe ala alady.
Ár sektor qajetti quraldarmen jabdyqtalǵan, kelýshiler elektrondyq úkimet portaly men basqa da memlekettik resýrstarǵa kire alady. Mekenjaıyńyzǵa jaqyn ornalasqan sektorlardy 2gis baǵdarlamasy arqyly tabýǵa bolady.
Degenmen 3 sanattaǵy azamattar, ıaǵnı zeınetkerler, kóp balaly otbasylar jáne múgedekter elektrondyq qyzmetterdi HQO-dan da ala alady. Ár front-ofıste olar úshin jeńildik terezesi jumys isteıdi. Sondaı-aq olar da HQO-ǵa baratyn ýaqytyn aldyn ala brondaýy kerek.
Esterińizge sala keteıik, múmkindigi shekteýli azamattar 1-2 top 1414 baılanys ortalyǵyna qońyraý shalyp, HQO qyzmetkerin úıge shaqyra alady.
Aıta keteıik, 11 mamyrdan bastap Shymkentte zańdy tulǵalarǵa qyzmet kórsetý úshin birden birneshe HQO iske qosylǵan bolatyn. Sonymen qatar avtokólik ıeleri úshin de Mamandandyrylǵan HQO óz jumysy bastaǵan.
Shymkent
