شىمكەنت قالاسىنىڭ باس سانيتارلىق دارىگەرىنىڭ شەشىمى بويىنشا 1 ماۋسىمنان باستاپ شىمكەنت قالاسىنىڭ بارلىق حالىققا قىزمەت كورسەتۋ ورتالىقتارى ءوز جۇمىسىن قايتا باستادى. بۇل تۋرالى «ازاماتتارعا ارنالعان ۇكىمەت» مك قە اق شىمكەنت قالاسى بويىنشا فيليالىنىڭ ءباسپاسوز قىزمەتى حابارلادى.
الايدا ۆيرۋستىڭ تارالۋ قاۋپى ساقتالۋىنا بايلانىستى شىمكەنت قالاسىنىڭ تۇرعىندارى حقو-دا ەلەكتروندى فورماتتا قولجەتىمسىز «قاعاز جۇزىندەگى» قىزمەتتەردى جانە egov.kz پورتالىندا راسىمدەلگەن قىزمەتتەردىڭ ناتيجەلەرىن الا الادى.
حقو-عا بارۋ ءۇشىن كەزەك ۋاقىتىن 1414 بايلانىس ورتالىعى نەمەسە نەمەسە egov.kz پورتالىنداعى ارنايى سەرۆيس جانە egovkzbot2.0 تەلەگرام-بوتى ارقىلى الدىنا الا برونداۋ قاجەت بولادى.
قازىرگى تاڭدا مەملەكەتتىك قىزمەتتىڭ 80%- دان استامىن egov.kz ەلەكتروندى ۇكىمەت پورتالى، تەلەگرامداعى eGovKzBot2.0 بوتى جانە eGovMobile موبيلدىك قوسىمشاسى ارقىلى ونلاين فورماتتا الۋعا بولادى. جەكە جانە زاڭدى تۇلعالارعا ەتسق بەرۋ بويىنشا قىزمەت ونلاين فورماتقا قولجەتىمدى.
كومپيۋتەرى جوق ازاماتتار ءۇشىن حقو عيماراتىنان تىس وزدىگىنەن قىزمەت الۋعا ارنالعان 315 egov.kz بۇرىشى اشىلدى. ولار مەملەكەتتىك ورگاندار مەن وقۋ ورىندارى الاڭدارىنان مەملەكەتتىك قىزمەتتەردى الۋعا بولادى. ەندى تۇرعىندار قالاداعى 315 وزىنە-ءوزى قىزمەت كورسەتۋ ايماعىنان ەلەكتروندىق مەملەكەتتىك قىزمەتتەردى ءوز بەتىنشە الا الادى.
ءار سەكتور قاجەتتى قۇرالدارمەن جابدىقتالعان، كەلۋشىلەر ەلەكتروندىق ۇكىمەت پورتالى مەن باسقا دا مەملەكەتتىك رەسۋرستارعا كىرە الادى. مەكەنجايىڭىزعا جاقىن ورنالاسقان سەكتورلاردى 2gis باعدارلاماسى ارقىلى تابۋعا بولادى.
دەگەنمەن 3 ساناتتاعى ازاماتتار، ياعني زەينەتكەرلەر، كوپ بالالى وتباسىلار جانە مۇگەدەكتەر ەلەكتروندىق قىزمەتتەردى حقو-دان دا الا الادى. ءار فرونت-وفيستە ولار ءۇشىن جەڭىلدىك تەرەزەسى جۇمىس ىستەيدى. سونداي-اق ولار دا حقو-عا باراتىن ۋاقىتىن الدىن الا برونداۋى كەرەك.
ەستەرىڭىزگە سالا كەتەيىك، مۇمكىندىگى شەكتەۋلى ازاماتتار 1-2 توپ 1414 بايلانىس ورتالىعىنا قوڭىراۋ شالىپ، حقو قىزمەتكەرىن ۇيگە شاقىرا الادى.
ايتا كەتەيىك، 11 مامىردان باستاپ شىمكەنتتە زاڭدى تۇلعالارعا قىزمەت كورسەتۋ ءۇشىن بىردەن بىرنەشە حقو ىسكە قوسىلعان بولاتىن. سونىمەن قاتار اۆتوكولىك يەلەرى ءۇشىن دە مامانداندىرىلعان حقو ءوز جۇمىسى باستاعان.
شىمكەنت
