Azyq-túliktiń baǵasy ne sebepti birden qymbattap ketti? Taýardyń jetispeýshiligi me, álde eldi dúrliktirgen indet kezindegi saýdagerlerdiń qaltasynyń qamyn oılaǵandyǵy ma?
Búgin Shymkent qalasynyń ákimi Murat Áıtenov birqatar basqarma basshylarymen jáne «Nur Otan» partııasynyń múshelerimen birge «Jibek joly» kóterme bazaryna baryp, azyq-túliktiń baǵasyn tekserdi.
Saýda qataryndaǵy baǵalarmen tanysýǵa eskertýsiz barǵan qala ákimi azyq-túliktiń narqyn asyra satyp jatqan saýdagerlermen betpe-bet júzdesti.
Olardyń aıtýynsha, ózge oblystardan keletin kartop, sábiz, pııaz syndy kúndelikti tutynýǵa qajetti kókónis baǵasy sharyqtap tur.
Qazirgi qysyltaıań kezde myna turǵan kókónisterdiń kóterme baǵasyn estiseńiz jaǵańyzdy ustaısyz.
Tarqatyp aıtar bolsaq, kartoptyń bir kelisi 150-160 teńge bolsa, sábiz 120 teńgeden saýdalanýda.
Degenmen, bazar ishindegi baǵalar da ár túrli.
Búginde «Jibek joly» bazarynda 200-ge jýyq saýda núktesi bar.
Tolyqtaı bazardyń jaǵdaıymen tanysqan mamandar satýshylarǵa eskertý jumystaryn júrgizdi.
Endigi jerde bul jumystar keler aıdyń ortasyna deıin óz jalǵasyn tabatyn bolady.
Aldaǵy ýaqytta barlyq saýda oryndaryndaǵy azyq-túlik baǵalaryna tekserý júrgizilip, qaltasynyń qamyn oılaǵan azamattarǵa aıyppul salynatyn bolady.
Derekkóz: adym.kz
