2026 jylǧy 21 nauryz künı saǧat 12:00-de Şymkent qalasyndaǧy Äl-Farabi alaŋynda «DamDastour» halyqaralyq gastronomiialyq festivalı ötedı.
Atalǧan ıs-şara Nauryz merekesın atap ötu aiasynda ūiymdastyrylyp, qala tūrǧyndary men qonaqtaryna ūlttyq jäne älemdık ashananyŋ üzdık ülgılerın nasihattauǧa baǧyttalǧan.
Festivalge Qazaqstannan jäne şetelden kelgen halyqaralyq deŋgeidegı 10 aspaz qatysyp, özderınıŋ avtorlyq taǧamdaryn ūsynyp, aspazdyq şeberlıkterın körsetedı.
Festival aiasynda kelesı nominasiialar boiynşa gastronomiialyq baiqaular ūiymdastyrylady:
– üzdık käuap;
– üzdık palau;
– üzdık samsa;
– üzdık ūlttyq taǧam.
Sonymen qatar, ıs-şaraǧa şamamen 50 jergılıktı meiramhana qatysyp, keluşılerge türlı taǧamdar ūsynady.
Festival tek gastronomiialyq şaralarmen şektelmei, auqymdy mädeni-oiyn-sauyq baǧdarlamasymen jalǧasady. Qonaqtardy street style jäne K-pop baǧyttaryndaǧy Dance Battle, dombyraşylar ansamblınıŋ öner körsetuı, batyrlar şouy, sirk qoiylymdary, motoşeru jäne Moto Show, sporttyq avtokölıkter körmesı, sondai-aq qolönerşıler järmeŋkesı kütedı.
Is-şara bırneşe taqyryptyq aimaqtarǧa bölınıp ūiymdastyrylady. Etnoaimaqta gastronomiialyq baiqaular men halyqaralyq aspazdardyŋ şeberlık sabaqtary ötedı, al europalyq aimaqta zamanaui şou-baǧdarlamalar, bi baiqaulary jäne motoşou ūsynylady. Sonymen qatar, Arbat aumaǧynda künı boiy qolönerşıler körmesı jūmys ısteidı.
Festivaldıŋ resmi aşyluy saltanatty türde ötedı, al keşkı uaqytta jeŋımpazdardy marapattau räsımı men konserttık baǧdarlama ūiymdastyrylady. Baǧdarlamada otandyq ärtısterdıŋ öner körsetuı jäne arnaiy şaqyrylǧan hedlainerdıŋ konsertı qarastyrylǧan.
«DamDastour» halyqaralyq gastronomiialyq festivalı — būl Nauryz merekesınıŋ atmosferasyn sezınuge, türlı halyqtardyŋ ashanasymen tanysuǧa jäne otbasy, dostarmen bırge uaqytty köŋıldı ötkızuge mümkındık beretın auqymdy mädeni şara.
Şymkent qalasynyŋ äkımdıgı qala tūrǧyndary men qonaqtaryn osy merekelık ıs-şaraǧa qatysuǧa şaqyrady.
