Türkıstan oblysy Maqtaaral audanynyŋ ekı auylyn su basty. Būl turaly öŋırlık kommunikasiialar qyzmetı habarlaidy..
Bügın, 2 mamyr taŋǧy saǧat 04:30-da Maqtaaral audanynyŋ şekarasyndaǧy Ortalyq dalalyq kollektorynan (ötkızu quaty - sekundyna 120 tekşe metr) su tögılıp, Jeŋıs jäne Jaŋa tūrmys auyldaryn su alyp ketken.
«Sondai-aq oblystyq mändegı «Myrzakent - Jeŋıs - Jaŋa tūrmys» tasjolyn su basqan. Kölık jüruı mümkın emes» delıngen habarlamada. Qazırgı taŋda apattyq-qūtqaru jūmystary jürıp jatyr.
Aita keteiık, būǧan deiın Jaŋa tūrmys, Jeŋıs, Nūrly jol eldı mekenderınıŋ tūrǧyndary audan ortalyǧy Myrzakentte ornalasqan Myrzakent mektep-gimnaziiasyna (600 oryn), S.Rahymov atyndaǧy jalpy orta mektebıne (700 oryn), Puşkin (400 oryn), Abylaihan orta mektepterıne (500 oryn) evakuasiialanyp, oǧan 6 avtobus jūmyldyrylǧan bolatyn.
Maqtaaral audanynyŋ äkımı, audandyq tötenşe jaǧdai ştabynyŋ töraǧasy Baqyt Asanovtyŋ töraǧalyǧymen 2 mamyr tüngı 00:00-de arnaiy jiyn ötıp, tötenşe jaǧdai jariialau jönınde tapsyrma berıldı. Eske sala keteiık, keşe Özbekstanda Sardoba su qoimasynyŋ bögetı jarylyp, eldı mekender, kommunikasiialyq jelıler men egıstıkterge zaqym kelgen bolatyn.
Ūqsas jaŋalyqtar
