Abaıda oblystyq mańyzy bar avtojoldy sý basty, dep habarlaıdy "Adyrna" tilshisi.
TJM Maqanshy aýylynan 11 shaqyrym jerde «Maqanshy-Jalańashkól» avtojolynda qardyń qarqyndy erip jatqanyn málimdedi. Sol sebepti joldy sý basqan.
«Eldimekenderde jol tóseminiń shaıylyp ketý qaýpi jáne sý basý qaýpi joq. Turǵyn úılerge qaýip tónip turǵan joq. Qazirgi ýaqytta jergilikti jerde JAO 50-ge jýyq adam jáne 4 tehnıka jumys atqaryp jatyr. Qosymsha Aıagóz qalasynyń Jedel-qutqarý jasaǵynyń jáne Maqanshy aýylynyń № 18 Órt sóndirý bóliminiń kúshteri, jeke quramnyń 12 adamy, 7 birlik tehnıka (júzý quraly, motopompa) jiberildi. Maqanshy aýdanynyń ákimi Dáýren Qoıgeldın men Úrjar aýdanynyń TJB bastyǵy Bektyǵazy Saıanov oqıǵa ornynda. Jaǵdaı baqylaýda», - delingen TJM habarlamasynda.
Aýmaqta avtokólik qozǵalysy toqtatylǵan. Júrgizýshiler aınalma joldar arqyly júrýi kerek. Polıııa departamentiniń kúshimen aınalma jol boıynsha qozǵalys júzege asyrylady, tyıym salý belgileri qoıyldy.
