Qyrǧyzstannyŋ tauly aimaqtarynda sel tasqyny jürıp, bırneşe auyl men Qazaqstanmen şekaradaǧy “Qarqara” ötkızu punktın su basty, dep habarlaidy “Adyrna” ūlttyq portaly “KTK” arnasyna sılteme jasap.
Tabiǧi apattyŋ negızgı sebebı – qardyŋ tez eruı men tolassyz jauǧan nöser. Saldarynan Jalal-Abad oblysyndaǧy alty auyldyq okrug zardap şektı. Ystyqköl aimaǧynda da qolaisyz aua raiy tırkelıp, auyldar men joldardy su basqan.
Tötenşe jaǧdailar ministrlıgı şekaradaǧy “Qarqara” ötkızu punktınıŋ de su astynda qalǧanyn mälımdedı. Būl jaǧdai şekara qyzmetınıŋ jūmysyna jäne kölık qozǧalysyna aitarlyqtai qiyndyqtar tuǧyzdy.
Qūtqaru qyzmetterı küşeitılgen rejimde jūmys ısteuge köşıp, zardap şekken aimaqtarda apatty joiu şaralaryn jürgızude. Arnaiy tehnikalar tartylyp, sudy būru jäne lai-batpaqty tazartu jūmystary atqarylyp jatyr.
Ūqsas jaŋalyqtar
